Monday, 2 June 2014
اتبا ع رسولﷺ فرقہ پرستی کے خاتمہ کی ضامن ہے۔دہشت گردی کو فروغ دینے والے اسلام کی حقیقی اساس کو نقصان پنچا رہے ہیںخواجہ عامر کوریجہ
راجن پور(کرائم رپورٹر) اتبا ع رسولﷺ فرقہ پرستی کے خاتمہ کی ضامن ہے۔دہشت گردی کو فروغ دینے والے اسلام کی حقیقی اساس کو نقصان پنچا رہے ہیں۔اولیاء و صو فیائے کے پیغام محبت نے دنیا میں اسلام کا حقیقی چہرہ پیش کیا۔درود و سلام پڑہنے والے اتحاد و اتفاق کا مظاہرہ کریں۔پاکستان کی بقا کے لیے اتحاد اہلسنت ضروری ہے۔ان خیالات کا اظہار سابق وفاقی وزیر مذ ہبی امور سید حامد سعید کاظمی نے تنظیم السعید کے ضلعی سیکرٹریٹ میں علماء مشائخ کے اتھاد اہلسنت کانفرنس سے خطاب کرتے ہوے کیا اس موقع پر جماعت فریدیہ کے سربراہ خواجہ عامر کوریجہ۔روحانی شخصیت سید صادق رسول شاہ بخاری،سرائیکی قومی اتحاد کے سربراہ خواجہ غلام فرید کوریجہ،صدر پریس کلب انجینئر محمد امجد فاروق،قاری نور الحسن الرحیمی،مولانا مختیار فیضی،نے خطاب کیا جبکہ قاری نور الحسن نے تلاوت،میاں مظفر الدین نے حمد باری تعالی،اور نقابت قاری خورشید بزدار نے کی۔مقررین نے خطاب کرتے ہوئے کہا بیرون ممالک کے فنڈز عوام کی فلاح و مہبود کیے لیے سرکاری سطح پر فراہم کیے جائیں اگر ایران کے اداروں کو فندز پراعتراض ہے تو سعودی عرب بھی پاکستان میں اداروں کی بجائیے حکومت کو فندز فراہم کرے،مقررین کا کہنا تھا کہ پاکستان میں عبادت گاہوں کو نشانہ بنایا جا رھا ہے جبکہ ن لیگ خانقاہی نظام کو نقصان پنچانے کے لیے درباروں کو سیکورٹی کے نام پر بند کیے ہویے ہے۔ مقررین کا کہنا تھا کہ پاکستان کو ہندوستان سے زیادہ خطرہ ملکی دہشت گردوں سے ہے۔انھوں نے کہا کہ اہلبیت،اور افواج پاکستان کے خلاف بات کرنے والے اسلام اور پاکستان کے خیر خواہ نہیں ہیں۔اس معوقع پر جماعت اہلسنت و تنظیم السعید کے رہنماوں سید اسماعیل شاہ بخاری،قاری حبیب اللہ صادقی۔چوھدری افتحار سعیدی،حاجی نذیر احمد زرگر،ڈاکٹر محمد اصغر،قاری مطلوب حسین،فقیر محمد رمضان۔سردار عبداالرحمن خاں دریشک،الحاج لیاقت علی بھی موجود تھے
راجن پور تا حاجی پور سڑک سیلاب کے باعث ٹوٹ پھوٹ کا شکار تاحال سڑک کی تعمیر مکمل نہ ہوسکی پلیوں کی تعمیراور سڑک کی مرمت کرنے والا ٹھیکیدار کام اُدھورا چھوڑ کر فرار
راجن پور (کرائم رپورٹر) راجن پور تا حاجی پور سڑک سیلاب کے باعث ٹوٹ پھوٹ کا شکار تاحال سڑک کی تعمیر مکمل نہ ہوسکی پلیوں کی تعمیراور سڑک کی مرمت کرنے والا ٹھیکیدار کام اُدھورا چھوڑ کر فرار راجن پور تاحاجی پور سڑک اس علاقے کی مصروف ترین سڑک ہے یہ سڑک ہرسال رودکوہی کے سیلاب کے باعث تباہ ہو جاتی ہے گذشتہ سال سیلاب کے باعث تباہ ہونے والی اس سڑک کی مرمت کیلئے ٹینڈرز لگائے گئے مگر ٹھیکیدار نے انتہائی سُست روی سے کیااب چھ ماہ گذرنے کے باوجود اُس نے پُلیوں کی تعمیر بھی مکمل کی اور نہ ہی سڑک کی اب معلوم ہوا ہے کہ ٹھیکیدار کام اُدھورا چھوڑ کرفرار ہو چکا ہے روزانہ سینکڑوں گاڑیاں اور ہزاروں افراد اسی سڑک کے ذریعے سفر کرتے ہیں عوامی وشہری حلقوں نے کمشنر ڈی جی خان ڈویژن سے فوری طور پر اِ س سڑک کی مرمت مکمل کرانے کا مطالبہ کیا ہے
سرائیکی بیلٹ میں میگا پراجیکٹس شروع کئے جائیں خواجہ فرید ؒ کی دھرتی میں اس خطے کی پسماندگی دور کرنے کیلئے یہاں خواجہ فرید ؒ کے نام سے منسوب یونیورسٹی تعمیر کی جائے
راجن پور (کرائم رپورٹر ) سرائیکی بیلٹ میں میگا پراجیکٹس شروع کئے جائیں خواجہ فرید ؒ کی دھرتی میں اس خطے کی پسماندگی دور کرنے کیلئے یہاں خواجہ فرید ؒ کے نام سے منسوب یونیورسٹی تعمیر کی جائے یہاں انڈسٹری کے فروغ کیلئے کچھ مُدت کیلئے اس ضلع کو ٹیکس فری زون قرار دیا جائے اِن خیالات کا اِظہار معروف قانون دان وسرائیکی راہنماء سید غلام رضا نے ایک ملاقات کے دَوران کیا اُن کا کہنا تھا کہ قیامِ پاکستان سے آج تک یہاں کے سرداروں جاگیرداروں اور پنجاب کے حکمرانوں نے اِس خطے کو پسماندہ رکھا جس سے یہاں کے باشندے دیگر آسائشیں ایک طرف دووقت کی روٹی کو ترستے ہیں انہوں نے کہا کہ کیا اس عمل سے احساسِ محرومی نہیں بڑھے گا کہ ایک طرف لاہور میں بُلٹ ٹرین چلے اور یہاں کے شہریوں کو سفر کیلئے پرائیویٹ کھٹارہ بسیں اور ٹوٹی پھوٹی سڑکات نصیب ہوں اُنہوں نے مطالبہ کیا کہ جنوبی پنجاب کو خودمختاری دی جائے تاکہ یہاں بھی ترقی ہو اور لوگوں کا معیارِ زندگی بلند ہو
راجن پور ،ضلعی وصوبائی محکموں کے آفیسران کی جانب سے سرکاری گاڑیوں اور پٹرول کا غیر ضروری استعمال ڈی سی او نوٹس لیں
راجن پور (کرائم رپورٹر ) راجن پور ،ضلعی وصوبائی محکموں کے آفیسران کی جانب سے سرکاری گاڑیوں اور پٹرول کا غیر ضروری استعمال ڈی سی او نوٹس لیں ضلعی آفیسران حکومتِ پنجاب کے قوانین کی خلاف ورزی کرتے ہوئے سرکاری گاڑیوں کا نجی استعمال کرتے اور دوردردراز کے علاقوں میں ان سرکاری گاڑیوں کو لے جاتے ہیں جبکہ رولز سے برعکس اسی ٹورز کا ٹی اے ڈی اے بھی محکمہ سے کلیم کرتے ہیں ذرائع نے بتلایا کہ چالیس سے پچاس ہزار روپے ہر ضلعی آفیسر ایک سے دوماہ کے ٹورز کا کلیم کرتے ہیں جبکہ سرکاری گاڑی اور پٹرول کا ضیاع اس کے برعکس ہے عوامی وشہری حلقوں کا مزید کہنا ہے کہ مختلف محکموں کے ضلعی آفیسران کو ملنے والی گاڑیاں ایک سے تین سالوں کے اندر ہی کھٹارہ ہو چکی ہیں جبکہ انہی گاڑیوں کی مرمت کے فرضی بلز ہرماہ خزانے سے پاس کراکر سرکاری خزانے کو الگ سے رگڑا لگایا جارہا ہے قانون تو یہ کہتا ہے کہ ایک آفیسر جب دفتری اوقاتِ کار ختم ہو تو گاڑی لاک کر کے دفتر میں ہی کھڑی کردے اور مذکورہ گاڑی استعمال کرنے والا آفیسر اور ڈرائیور نجی سواری پر اپنے گھر کو روانہ ہوں مگر شاید ایسا اب کسی دیوانے کا خواب ہے لاہور ،فیصل آباد ،لیہ ،ملتان کے آفیسران اپنے گھروں کو جاتے وقت سرکاری گاڑیاں ہمراہ لے جاتے ہیں جہاں ان کے بچے انہی سرکاری گاڑیوں پر ڈرائیونگ سیکھتے ہیں اور ان کی بیگمات شاپنگ بھی انہی سرکاری گاڑیوں پر کرتی ہیں انہوں نے کمشنر ڈی جی خان اور ڈی سی او ضلع غازی امان اللہ سے گاڑیوں کے غیر ضروری استعمال کے نوٹس لینے اور آفیسران کے ٹی اے بلز کی بھی ویریفکیشن کرانے کا مُطالبہ کیا ہے
جنوبی پنجاب سمیت مُلک بھر میں غیرت کے نام پر قتل کے بڑھتے واقعات کا حکومت اور عدلیہ نوٹس لے اور ایسے واقعات کی روک تھام میں حکومت وعدلیہ فوری طور پر کردار ادا کریں
راجن پور (کرائم رپورٹر) جنوبی پنجاب سمیت مُلک بھر میں غیرت کے نام پر قتل کے بڑھتے واقعات کا حکومت اور عدلیہ نوٹس لے اور ایسے واقعات کی روک تھام میں حکومت وعدلیہ فوری طور پر کردار ادا کریں ایسے واقعات میں ملوث افراد کو کڑی سے کڑی سزائیں دی جائیں تاکہ ان واقعات کی روک تھام ہو سکے ان خیالات کا اِظہار چئیر مین آواز ڈسٹر کٹ فورم و کوآرڈینیٹر کمیونٹی ایڈ نعیم اکبر خان جسکانی نے میڈیا کانفرنس کے دَوران کیا اُن کا کہنا تھا کہ ہمارے موجودہ معاشرے میں سزائیں نہ ملنے اور عدم ثبوت کی وجہ سے ملزمان رہا ہوجاتے ہیں جس سے ایسے واقعات میں روز بروز اضافہ ہورہا ہے کسی انسان سے محض شک کی بناء پر اُس کی زندگی چھیننے کی اِجازت ہمارا مذہب اسلام بھی نہیں دیتا اُن کا کہنا تھا کہ حکومت ایسے واقعات کے تدارک کیلئے موئثر لائحہ عمل تیار کرے اور ایسے ملزمان کو قرار واقعی سزا دینے میں کردار ادا کرے اِس موقع پر ڈسٹر کٹ پروگرام آفیسر عورت فاؤنڈیشن آواز پروگرام اظہر بلوچ ،تہمینہ فضل ،مدیحہ فضل اورکلیم اکبر بھی موجود تھے
اتوار کی چھٹی کے باوجود راجن پور شہر اور گردونواح میں پندرہ سے بیس گھنٹوں کی غیراعلانیہ لوڈ شیڈ نگ انجمن تاجر ان صدر حاجی ارشد باجوہ
راجن پور (کرائم رپورٹر) اتوار کی چھٹی کے باوجود راجن پور شہر اور گردونواح میں پندرہ سے بیس گھنٹوں کی غیراعلانیہ لوڈ شیڈ نگ سے شہری بدحال شہریوں کا شدید گرمی میں شدید لوڈ شیڈنگ پر احتجاج جنوبی پنجاب کے ساتھ میپکو ظلم بند کرے انجمن تاجر ان صدر حاجی ارشد باجوہ ودیگر نے احتجاج کرتے ہوئے کہا کہ جنوبی پنجاب کے شہری باقاعدگی کے ساتھ بلز بجلی ادا کررہے ہیں ان کے ساتھ دوہرا سلوک کیوں ہورہا ہے وزیراعظم پاکستان میاں محمد نواز شریف اپنے انتخابی وعدوں کو یاد کریں اور جنوبی پنجاب کے ساتھ بھی ملک بھر کی طرح یکساں سلوک کیا جائے
Subscribe to:
Posts (Atom)
