خاندانی بادشاہت نے ملک کو تباہی کے کنارے پہنچایانواز شریف بھارت کے خلاف بیان دیکر ذاتی کاروبار کو نقصان نہیں پہنچانا چاہتے ملک بھر میں جلسے کریں گئے

راجن پور(ڈسٹرکٹ رپورٹر)خاندانی بادشاہت نے ملک کو تباہی کے کنارے پہنچایانواز شریف بھارت کے خلاف بیان دیکر ذاتی کاروبار کو نقصان نہیں پہنچانا چاہتے ملک بھر میں جلسے کریں گئے تحریک انصاف سے مشاورت رہتی ہے ڈاکٹر طاہر القادری نے 55روزمیں پورے پاکستان کو جگادیا ۔ان خیالات کا اظہار پاکستان عوامی تحریک کے مر کزی ایڈیشنل سیکریٹری جنرل پیر آف کوٹ مٹھن شریف خواجہ عامر فرید کوریجہ نے اسلام آباد دھرنے سے مٹھن کوٹ پہنچنے پر خواجہ فرید پیلس میں پریس کانفرنس کرتے ہوئے کیا انہوں نے کہا کہ دھرنے کے شرکاء نے جس استقامت کا مظاہرہ کیا اس کی مثال دنیا میں نہیں ملتی انتخابی سیاست میں اعلان کے بعد ملک بھر سے لوگ عوامی تحریک میں شمولیت کیلئے رابطے کر رہے ہیں ۔12اکتوبر کو فیصل آباد ،19کو لاہور،24کو ایبٹ آبادکے بعد انقلاب دھرنا کراچی میں ہو گا نومبر میں ڈیرہ غازی خان میں ڈاکٹر طاہر القادری کے جلسہ کی تاریخ پر مشاورت کر رہے ہیں۔ڈاکٹر طاہر القادری کی امامت میں تمام مکاتب فکر کے علماء کرام نے نماز عید ادا کر کے اتحاد بین المسلمین کا ثبوت دیا ملتان میں تحریک انصاف کے جلسے کی کامیابی کیلئے دعا گو ہیں پی ٹی آئی اور پی اے ٹی کے رہنماء ایک دوسرے سے ملتے رہتے ہیں ڈاکٹر طاہر القادری نے وی آئی پی کلچر کے خلاف قوم کو جگایا ہے شریف برادران کی حکومت اس وقت کمزور بنیادوں پر کھڑی ہے جو کسی وقت بھی دھڑام سے گر سکتی ہے اور حکمرانوں کا جانا ٹھہر گیا ہے ڈاکٹر طاہر القادری سرائیکی وسیب کا مقدمہ بھی لڑ رہے ہیں دھرنے میں وہ یہاں کی محرومیوں اور تخت لاہور کی زیادتیوں کو تنقید کا نشانہ بناتے ہیں اسی طرح نشتر گھاٹ پل کی سست روی اور لاہور میں میٹرو بس سروس کے منصوبے میں تیزی پر بھی دھرنے میں شدید تنقید کا نشانہ بناتے ہیں۔ڈاکٹر طاہر القادری سرائیکی صوبہ کی واضح حمایت کا اعلان کر چکے ہیں

پاکستان کی سیاسی پارٹیاں سرائیکی صوبہ کی حامی ہیں

راجن پور(ڈسٹرکٹ رپورٹر) پاکستان کی سیاسی پارٹیاں سرائیکی صوبہ کی حامی ہیں مگر اس کے قیام کیلئے ان کی نگائیں دوسروں کی طرف اٹھتی ہیں سرائیکی صوبے کے بغیرسیاسی استحکام اب نہیں آئے گا تخت لاہور پر کڑا وقت ہے حکمرانوں کے ارد گرد کھڑے سیاست دان بھی انجام کو پہنچیں گئے پارلیمنٹ میں بیٹھے لوگ ایک دوسرے سے مخلص نہیں ن لیگ کے علاوہ دیگر سیاسی جماعتوں نے الیکشن کی تیاریاں شرع کر دی ہیں۔ ان خیالات کا اظہار سرائیکستان قومی اتحاد کے سربراہ ومرکزی رہنما سرائیکستان عوامی اتحاد خواجہ غلام فرید کوریجہ نے ایس کیو آئی کے ممبر صوبائی کونسل سردار لنڈ کی قیادت میںآنیوالی عید ملن ریلی کے موقع پر صحافیوں سے گفتگو کرتے ہوئے کیا انہوں نے کہاکہ اسلام آباد کے دھرنوں سے عوامی شعوری مہم کامیاب رہی ان دھرنوں سے تخت لاہور کے بالادستی کا شکار سات کروڑ سرائیکیوں کو بھی شعوری فکری آگاہی ہوئی اگر سرائیکی اس طرح کا احتجاج کریں تو صوبہ سرائیکستان کے قیام کی منزل آسان ہو سکتی ہے جنوبی پنجاب صوبہ سات کروڑ سرائیکی خطہ کے حقوق کے حصول میں فائدہ مند ثابت نہیں ہو سکتاصوبہ سرائیکستان ہی خطے کے مسائل کا حل ہے ۔کپاس کا ریٹ چار ہزار مقرر کیا جائے اور ٹی سی پی کو پابند کیا جائے آج نو اکتوبر کو سرائیکستان عوامی اتحاد کے زیر اہتمام دھریجہ نگر خان پور میں نویں سالانہ سرائیکستان یکجہتی کانفرنس منعقد ہو گی جس میں عوام بھر پور شرکت کرے اس موقع پر سمیع اللہ سونترہ ،سیف اللہ سونترہ ،اللہ ڈتہ بندنام ،ڈاکٹر طفیل مزاری ،میاں اللہ بخش ،جام فیض اللہ ،سعید بلوچ ،اسحاق خان لغاری ،فیض احمد گوپانگ ، حنیف خان مزاری ،ریاض دستی ،سلیم جتوئی ،کثیر تعداد میں لوگ موجود تھے اور مختلف اضلاع سے قافلوں کی صورت میں لوگوں نے ملاقات کی

پاکستان عوامی تحریک کے ایڈیشنل سیکریٹری جنرل خواجہ عامر فرید کوریجہ اپنے بیٹے خواجہ شوکت عزیر کوریجہ کی علالت کے باعث اسلام آباد سے مٹھن کوٹ پہنچ گئے ہیں

راجن پور(ڈسٹرکٹ رپورٹر)پاکستان عوامی تحریک کے ایڈیشنل سیکریٹری جنرل خواجہ عامر فرید کوریجہ اپنے بیٹے خواجہ شوکت عزیر کوریجہ کی علالت کے باعث اسلام آباد سے مٹھن کوٹ پہنچ گئے ہیں جماعت فریدیہ کے کارکنوں نے ان کی آمد پر شاندار استقبال کیا ۔انہوں نے عید ڈی چوک میں دھرنے کے شرکاء کے ساتھ منائی اور ڈاکٹر طاہر القادری کی امامت میں نماز عید ادا کی نماز عید میں پی ٹی آئی کے چیئر مین عمران خان،عوامی مسلم لیگ کے سربراہ شیخ رشید احمد ،خورشید محمود قصوری،ڈاکٹر رحیق عباسی،عارف علوی،خرم نوازگنڈا پور،اجمل وزیر،اعجاز چوہدریکے علاوہ ہزاروں افراد شریک ہوئے۔خواجہ عامر کوریجہ نے مٹھن کوٹ پہنچ کر حضرت خواجہ غلام فریدؒ کوریجہ کے مزار پر حاضری دی دھرنے کے شہداء،سیلاب متاثرین،آئی ڈی پیز،عوامی تحریک کے سربراہ ڈاکٹر طاہر القادری کی صحت اور پاکستان،کی سلامتی کیلئے خصوصی دعا کی ۔وہ 11اکتوبر کو فیصل آباد جلسے کیلئے مٹھن کوٹ سے روانہ ہوں گئے ۔اس موقع پر خواجہ شوکت عزیر کوریجہ،خواجہ نازک عمیر کوریجہ،خواجہ عمادالدین کوریجہ،شعیب پنوار،میاں اللہ بخش ،میاں سیف اللہ فریدی،اور سردار اشفاق کے علاوہ کثیر تعداد میں عقیدت مندان موجود تھے

سرکاری دفاتر میں غیر اعلانیہ تعطیل ہونے کے باعث سائلین کو پریشانی کا سامنا

راجن پور (ڈسٹرکٹ رپورٹر ) سرکاری دفاتر میں غیر اعلانیہ تعطیل ہونے کے باعث سائلین کو پریشانی کا سامنا،عوامی سماجی حلقوں کی طرف سے پنجاب حکومت سے نوٹس لیکر کاروائی کا مطالبہ۔تفصیل کے مطابق ڈی سی اوآفس سمیت دیگر کئی سرکاری دفاتر ہفتہ 4اکتوبرکو بند رہے اور اہلکار عید منانے گھروں کو چلے گئے افسران اور ان کے ماتحت اہلکاروں نے از خود عید کی چھٹیاں بڑھا لیں ضلع راجن پور کی حدود دو سو کلو میٹر تک پھیلی ہوئی ہیں سائلین دور دراز علاقوں سے سفر کر کے دفاتر پہنچے اور گھنٹوں وہاں دفاتر کے کھلنے کا انتظار کرتے رہے آخر کار مایوس ہو کر واپس چلے گئے ۔اس بارے جب اہلکاروں سے رابطے کئے گئے تو انہوں نے کہا سائلین عید منانے اور اس کی تیاریوں کے باعث دفاتر نہیں آئے دفاتر کھولے گئے اور وقت سے کچھ پہلے بند کئے ۔دفاتر میں آئے ہوئے سائلین نے پنجاب حکومت سے مطالبہ کیا ہے کہ غیر اعلانیہ تعطیل کی انکوائری کرائی جائے اور ذمہ داروں کے خلاف کاروائی عمل میں لائی جائے

مضر صحت کھانا کھانے سے چار افراد بے ہوش ہو گئے

راجن پور (ڈسٹرکٹ رپورٹر ) مضر صحت کھانا کھانے سے چار افراد بے ہوش ہو گئے ،ای ڈی او ہیلتھ نے متعلقہ شاپ مالک کے خلاف کاروائی کا حکم دے دیا ۔تفصیل کے مطابق راجن پور کے رہائشی خادم حسین نے دوران سفر جام پور میں او کے بر گر پوائنٹ سے برگر وغیرہ لئے اور اپنی فیملی کو کھلایاجسے کھاتے ہی اس کے دو بچے اور بیوی سمیت و ہ خود بھی بے ہوش ہو گیاانہیں پرائیویٹ ہسپتال لے جایا گیا بر وقت طبی امداد مل جانے سے انہیں ہوش تو آگیا مگر وہ کئی روز گذر جانے کے بھی صحت مند نہیں ہو سکے ۔ای ڈی او ہیلتھ راجن پور نے مذکورہ دوکاندار کے خلاف کروائی کا حکم دیا ہے دریں اثناء عوامی و سماجی حلقوں نے اس واقعہ پر تشویش کا اظہار کرتے ہوئے حکام سے مطالبہ کیا ہے کہ حفظان صحت کے اصولوں کی خلاف ورزی کے مرتکب دوکانوں کے خلاف کاروائی کر کے انہیں بند کیا جائے تاکہ آئندہ ایسے واقعات کی روک تھام کو ممکن بنایا جا سکے۔

حکومت ان کے خلاف کاروائی کر کے مہنگائی کو کنٹرول کرے ان خیالات کا اظہار مختلف مکاتب فکر سے تعلق رکھنے والے افراد نے ایک سروے کے دوران کیا اس وقت عید الاضحی کی آمد پر اشیاء ضروریہ کی قیمتیں آسمان سے باتیں کر رہی ہیں

راجن پور (ڈسٹرکٹ رپورٹر ) عید کی آمد کے ساتھ مہنگائی کا طوفان ،متوسط طبقہ کی قوت خرید جواب دے گئی ۔مہنگائی کے ذمہ دار چھوٹے دوکاندار نہیں پروڈکشن کمپنیاں ہیں جن کے مالکان اسمبلیوں اور اہم حکومتی عہدوں پر برآجمان ہیں ،حکومت ان کے خلاف کاروائی کر کے مہنگائی کو کنٹرول کرے ان خیالات کا اظہار مختلف مکاتب فکر سے تعلق رکھنے والے افراد نے ایک سروے کے دوران کیا اس وقت عید الاضحی کی آمد پر اشیاء ضروریہ کی قیمتیں آسمان سے باتیں کر رہی ہیں اور مہنگائی کا یہ طوفان چند دنوں کے اندر بپا کیا گیا ہے اس پر اپنے خیالات کا اظہار کرتے ہوئے سید مختارشاہ نے کہا کہ حکمران مہنگائی کو کم کرنے کیلئے مخلص نہیں ملک میں چھوٹے دوکانداروں کی پکڑ دھکڑ زوروں پرہے اور انہیں ناجائز جرمانے کئے جا رہے ہیں تحریک انصاف کے رہنماء کنور شفیق احمد نے کہا کہ دوکاندا ر چیزوں کو چند روپے منافع کے عوض فروخت کرتے ہیں، معروف سماجی کارکن میر خلیل احمد نے کہا پروڈکشن کمپنیاں مہنگائی کی ذمہ دار ہیں چونکہ موجودہ سسٹم میں ان کے خلاف کسی قسم کی کاروائی ممکن نہیں۔انکو حکومتی چھتری ملی ہوئی ہے اس لئے مہنگائی کے خلاف موثر کاروائی کی توقع نہیں رکھی جا سکتی،ایک آئی کام کے سٹوڈنٹ شیر علی نے کہا کہ حکومت مہنگائی کے خلاف مہم نہیں فارملیٹی کو پورا کر رہی ہے تاکہ عوام کے صبر کا پیمانہ لبریز نہ ہو جائے،تین سو روپے یومیہ اجرت لینے والے ایک مزدور نذر حسین بھٹی نے کہا کہ لیبر ایکٹ کے نفاذ کے باوجود ہمیں مقررہ اجرت نہیں ملتی یہ حکمرانوں کا دوہرہ معیار ہے کہ ان کے خلاف کاروائی نہیں ہوتی جس کے باعث مزدور طبقہ کا معیار زندگی غربت کی لکیر سے کہیں نیچے آ گیا ہے اگر اسے بہتر نہ بنایا گیا تو ملک میں استحکام نہیں آ سکے گا۔

مشترکہ جدوجہد سے اس کا مقابلہ کرنا ہو گا مجاہد خان برمانی

راجن پور (ڈسٹرکٹ رپورٹر ) جرم اورمجرم کے خلاف اجتاعی جدوجہد ہی کامیابی حاصل کر سکتی ہے پولیس کی پشت پر عوام نہ ہوں تو وہ اپنی ذمہ داریوں کو کسی بھی حالت میں پورا نہیں کر سکتی۔عید الاضحی کے موقع پر فول پروف سیکورٹی پلان بنایا گیا ہے دہشت گردی کے خطرات اہل وطن پر منڈلا رہے ہیں ہمیں مشترکہ جدوجہد سے اس کا مقابلہ کرنا ہو گا ۔ان خیالات کا اظہار راجن پور ماڈل تھانہ کے انچارج مجاہد خان برمانی نے اپنے دفتر میں مقامی صحافیوں سے گفتگو کرتے ہوئے کیا انہوں نے کہا کہ آپریشن ضرب عضب کے باعث دہشت گردی کے خلاف ہمیں ہر جگہ مقابلے کیلئے خود کو تیار رکھنا چاہیے راجن پور میں سیکورٹی انتہائی سخت ہوگی 37مقامات پر عید الاضحی کی نماز ادا کی جائے گی سیکورٹی پلان ڈسٹرکٹ پولیس آفیسر کی طرف سے راجن پور کے تمام تھانوں کو موصول ہو چکا ہے جس کے مطابق اقدامات کو آخری شکل دے دی گئی ہے انہوں نے بتایا کہ چاند رات کو بازاروں تفریح گاہوں اور دیگر پبلک مقامات پر پولیس کی چوکیاں قائم کی جائیں گی پولیس کے ساتھ قومی رضاکار بھی ڈْیوٹی سر انجام دیں گئے اور اس کیلئے خصوصی اقدامات کئے گئے ہیں انہوں نے کہا کہ شاہراہوں پر بھی پولیس کی گشت کو موثر بنایا جائے گا ۔ تاہم ہمیں مل جل کر کام کرنا ہو گا عوام کے بغیر کوئی بھی ادارہ کامیابیوں کو نہیں سمیٹ سکتا ۔عوام پولیس کو ہر قسم کی معلومات دیں تاکہ لوگوں کے جان ومال کے تحفظ کو یقینی بنایا جا سکے۔