کوئی بچہ پولیو مہم کے دوران ویکسین پینے سے رہ نہ جائےظہور حسین

راجن پور (ڈسٹرکٹ رپور ٹر ) کوئی بچہ پولیو مہم کے دوران ویکسین پینے سے رہ نہ جائے ،تمام مکاتب فکر کے لوگوں اور بچوں کے والدین کو چاہیے کہ پولیو مہم کی ٹیموں کے ساتھ تعاون کریں اور اس قومی فریضہ کو کامیاب بنائیں ،اس سلسلہ میں ضلعی انتطامیہ کا بھر پور تعاون رہے گا اور سیکٹرز انچارج اپنی مانیٹرنگ کو مزید سخت کریں ان خیالات کا اظہار ڈی سی او ظہور حسین نے پولیو مہم کے سلسلہ میں انتظامات کا جائزہ لیتے ہوئے کیا۔ڈی ایچ او ڈاکٹر عبداللہ جلبانی نے بریفنگ دیتے ہوئے بتایا کہ اس قومی مہم میں 980ٹیمیں حصہ لے رہی ہیں جن میں زونل سپر وائزر 48،ایریا انچارج 174،موبائل ٹیمیں 841،فکسڈ ٹیمیں65اور ٹرانسپورٹ ٹیمیں 74کام کریں گی۔یہ تین روزہ مہم 14ستمبر سے 16ستمبر تک جاری رہے گی۔جس کا باقاعدہ افتتاح ڈی ایچ کیو ہسپتال میں 12ستمبر کو کیا جائے گا۔اس موقع پر ڈی پی او زاہد محمود گوندل ، ای ڈی او صحت ، ڈبلیو ایچ او اور یونیسف کے نمائندہ گان،سیکٹرز انچارجز اور دیگر متعلقہ افسران نے شرکت کی۔

بجلی میٹرز کی کیمرہ ریڈ نگ ،بجلی چور وں کیساتھ ساتھ کرپٹ واپڈااہلکار بھی پریشا نی سے دوچار

راجن پور (ڈسٹر کٹ رپورٹر) بجلی میٹرز کی کیمرہ ریڈ نگ ،بجلی چور وں کیساتھ ساتھ کرپٹ واپڈااہلکار بھی پریشا نی سے دوچار ،میٹرز ریڈرز کی اس حوالے سے ٹریننگ مکمل تفصیلات کے مطابق یوایس ایڈ کی جانب سے دباؤ بڑھنے پر میپکو ملتان نے بھی کیمرہ ریڈ نگ کی پریکٹس کاباقاعدہ کا آغاز کیا جارہا ہے اس حوالے سے میپکو ملتان کے میٹر ریڈرز کی ٹریننگ مکمل کردی گئی ہے جبکہ میٹر ریڈرز کو کیمرے بھی دے دیئے گئے ہیں واپڈا ذرائع کا کہنا ہے کہ اس ماہ بیج ایک سے تیس تک کی ریڈ نگ کیمرہ کیساتھ بھیجی جائیگی جس کا باقاعدہ آغاز کردیا گیا ہے دوسری جا نب کیمرہ ریڈ نگ کا نظام شروع ہو نے سے بجلی چوروں کے ساتھ ساتھ واپڈا کے کرپٹ اہلکاروں کی بھی پریشانی میں اضافہ ہوگیا ہے ۔

راجن پور بھر کے اکثر پرائمری سکولوں کے راستوں کی حالت ناگفتہ بہ ،اساتذہ اور طلباء وطالبات کھیتوں سے گذر کر جانے پر مجبور ڈی سی او

راجن پور (ڈسٹر کٹ رپورٹر) راجن پور بھر کے اکثر پرائمری سکولوں کے راستوں کی حالت ناگفتہ بہ ،اساتذہ اور طلباء وطالبات کھیتوں سے گذر کر جانے پر مجبور ،ڈی سی اوراجن پور نوٹس لے کر اس مسئلہ کو حل کرائیں تفصیلات کے مطابق راجن پور ،جام پور اور روجہان کے کم وبیش پانچ سو سے زائد پرائمری اسکولز ایسے ہیں جہاں تک پہنچنے کے لئے اساتذہ اور بچے کھیتوں سے گذر کراسکول پہنچتے ہیں جس سے نہ صرف اساتذہ اور طلباء وطالبات کو بھی سخت مشکلات کاسامنا کرنا پڑتا ہے بارش کے ایام میں تکلیف اور بھی بڑھ جاتی ہے عوامی وشہری حلقوں نے ڈی سی او راجن پور سے اس صورتحال کے حل کا مطا لبہ کیا ہے ۔

کاشتکاروں کے مسائل ترجیح بنیادوں پر حل کرے گی ظہورحسین

راجن پور (ڈسٹر کٹ رپورٹر) پنجاب حکومت زرعی پیداوار میں اضافے کے لیے کاشتکاروں کو کھاد، بیج اور زرعی ادویات فراہم کرنے کی پالیسی پر عمل پیراہے۔ زرعی ڈیلرکاشتکاروں کو حکومت کے مقرر کردہ نرخوں کے مطابق کھاد، بیج اور زرعی ادویات فروخت کریں ۔ جعلی اور زائدالمعیاد زرعی ادویات فروخت کرنے والوں کو کسی قسم کی رعایت نہیں دی جائے گی۔ یہ باتیں ڈی سی او ظہورحسین نے کسان بورڈ اجلاس کی صدارت کرتے ہوئے کہیں۔ اجلاس میں ڈی پی او زاہد محمودگوندل،ممبران قومی و صوبائی اسمبلی کے نمائندگان، اے ڈی سی ، ای ڈی او زراعت، زرعی ڈیلروں ، زمینداروں اور کاشتکاروں کے نمائندگان نے شرکت کی۔ ڈی سی او نے کہا کہ ضلعی انتظامیہ کاشتکاروں کے مسائل ترجیح بنیادوں پر حل کرے گی ۔ اجلاس میں پانی و بجلی کے مسائل کے بارے بھی تجاویز پیش کی گئیں۔ جس پر ڈی سی او نے حل طلب تجاویز کو فوری حل کرنے کی یقین دہانی کرائی۔

محسن پا کستا ن آ ر می چیف جنر ل را حیل شر یف نے ضر ب عضب آ پر یشن کا میا ب کر کے پا کستا نیو ں کے دل جیت لیئے ہیں حا جی عبد الو ہا ب رحما نی

را جن پور (سٹر کٹ رپورٹر ) سیا سی و سما جی شخصیت حا جی عبد الو ہا ب رحما نی نے کہاکہ محسن پا کستا ن آ ر می چیف جنر ل را حیل شر یف نے ضر ب عضب آ پر یشن کا میا ب کر کے پا کستا نیو ں کے دل جیت لیئے ہیں پو ری قوم جنر ل راحیل شر یف اورافوا ج پا کستا ن کو سلا م پیش کر تی ہے اب دہشت گر دو ں کی کمر ٹو ٹ چکی ہے ضر ب عضب کی تا ر یخی کا میا بی کے ثمر ات قوم کو مل ر ہے پہلے بیر و نی سر ما یہ کا ر پا کستا ن میں سر ما یہ کا ر ی سے ڈ ر تے تھے اب جنر ل ر احیل شر یف نے عظیم کا میا بیا ں سمٹیے ہو ئے و طن عز یز کو امن کا گہو ار ہ بنا د یا ہے الحمد اللہ اب بیر و ن مما لک کے سر ما یہ کا ر پا کستا ن میں ار بو ں ڈ الر کی سر ما یہ کا ر ی کر ر ہے ہیں یہ سب امن وامان کا نتیجہ ہے پا کستا ن تر قی یا فتہ اور امن واما ن کا مر کز بننے جا ر ہا ہے افو اج پا کستا ن و طن عز یز سے د ہشت گر دو ں اور سما ج د شمن عنا صر کا قلع قمع کر دم لیں گے قوم محسن پا کستا ن آ رمی چیف جنر ل را حیل شریف اور تما م افو ا ج پا کستا ن کے سا تھ شا نہ بشا نہ کھڑ ی ہیں

ڈرائیونگ لائسنس کا حصول آسان بنا دیا گیا ہے ملک رسول بخش

را جن پور(ڈسٹر کٹ رپورٹر )ڈرائیونگ لائسنس کا حصول آسان بنا دیا گیا ہے قواعد و ضوابط پر پورا اترنے پر ڈرائیونگ لائسنس گھر پر پہنچایا جائے گا یہ بات راجن پور ٹریفک پولیس کے انچارج ملک رسول بخش نے مقامی صحافیوں کو بتائی انہوں نے کہا کہ سسٹم کو کمپیوٹررائز کر کے آن لائن کر دیا گیا ہے ڈسٹرکٹ ہسپتال کے تین ڈاکٹر اس مقصدکیلئے تعینات کیے گئے ہیں طریقہ کار کو انتہائی صاف و شفاف بنا دیا گیا ہے معیار اور تمام ٹیسٹ کلیئر کرنے والوں کو ڈرائیونگ لائسنس ان کے گھر کے پتے پر ٹی سی ایس کر دیا جائے گا انہوں نے کہا کہ ٹریفک قوانین پر عمل کر کے ہم قیمتی جانوں کا تحفظ بہتر طریقے سے کر سکتے ہیں ٹریفک قوانین پر عملدرآمد کرنے سے حادثات پر قابو پایا جا سکتا ہے انہوں نے بتایا کہ راجن پور میں رات گیارہ بجے تک ٹریفک اہلکار دو شفٹوں میں ڈیوٹی دے رہے ہیں جس کے بہتر نتائج سامنے آ رہے ہیں انہوں نے لوگوں سے اپیل کی کہ وہ رشوت اور دیگر شکایات کے ازالے کیلئے ان سے رابطہ کریں جس کا فوری ازالہ کیا جائے گا

را جن پور ناجائز تعلقات کے شبہ میں باپ بیٹے کا بہیمانہ قتل

را جن پور(ڈسٹر کٹ رپورٹر )اشتہاری ملزمان کی راجن پور کے نواح میں کاروائی ، ناجائز تعلقات کے شبہ میں باپ بیٹے کا بہیمانہ قتل جبکہ نانا کو شدید زخمی کر دیا ،ملزمان فرار ہونے میں کامیاب ہو گئے ۔ ایس ڈی پی او آصف رشید موقع پر پہنچ گئے پولیس نے مقدمہ درج کر کے ملزمان کی گرفتاری کیلئے چھاپہ مار ٹیمیں تشکیل دے دیں ۔تفصیل کے مطابق مٹھن کوٹ کے نواحی علاقہ موضع تونگ میں مسماۃ امینہ کے خاندان کے افراد کو شبہ تھا کہ اس کے اپنے ہمسائے طارق کے ساتھ ناجائز تعلقات ہیں اس شک کی بنا پر انہوں نے امینہ کو قتل کر کے اس کی نعش دریا میں بہا دی تھی جس پر طارق اور اس کا خاندان وہاں سے نقل مکانی کر کے مٹھن کوٹ کی نواحی بستی کراچی میں رہائش ہو گیا ۔اسی دوران صلح کی کئی کوشیشیں کار گر ثابت نہ ہوسکیں وقوعہ کے وقت طارق کا باپ نور عالم اور بھائی غلام یاسین اپنے نانا شاہ بخش کے بیٹے کی پیشی کیلئے راجن پور آ رہے تھے کہ 5موٹر سائیکلوں پر سوار 12ملزمان جن پر زیادہ اشتہاری ملزمان ہیں نے عاقل پور کے قریب ان پر فائرنگ کر دی ۔جس پر وہ موٹر سائیکل سے نیچے گر گئے اور نور عالم اور اس کا 18سالہ جواں سال بیٹا غلام یاسین موقع پر دم توڑ گئے جبکہ شاہ بخش کے ہاتھ پر گولی لگنے سے وہ زخمی ہو گیا ملزمان نے ہلاک ہونے کے بعد بھی نور عالم کے منہ میں فائر کیا اور موقع سے فرار ہونے میں کامیاب ہو گئے ۔زخمی شاہ بخش کو راجن پور ڈسٹرکٹ ہسپتال لے جایا گیا ۔ پولیس نے ملزمان قائم،قربان،میرو،اخلاق،رہب،واراقوام جتوئی اور لڑکیوں کے بھائیوں ریاض اور اعجاز سمیت بارہ افراد کے خلاف مقدمہ درج کر لیا ہے ایس ڈی پی او آصف رشید تفتیش کے تمام مراحل کی نگرانی کر رہے ہیں ان کی قیادت میں پولیس پارٹی نے کئی جگہوں پر چھاپے مارے ۔انہوں نے کہا کہ ملزمان کو ہر صورت کیفر کردار تک پہنچایا جائے گا بتایا گیا ہے کہ قائم،دار،ریاض اور میرو وغیرہ اشتہاری ہیں جن کے خلاف سنگین مقدمات درج ہیں ۔پولیس نے مقدمہ درج کر کے ملزمان کی گرفتاری کی کوشش شروع کر دی ہے تاہم ابھی تک پولیس کو کامیابی نہیں ملی۔