راجن پور ،بند روڈ پر گندگی کے انبار ،اکلوتا سیوریج نالہ ٹوٹ پھوٹ کاشکار

راجن پور (ڈسٹر کٹ رپورٹر) راجن پور ،بند روڈ پر گندگی کے انبار ،اکلوتا سیوریج نالہ ٹوٹ پھوٹ کاشکار ،لانگ کا لونی کی گلیاں گندے پانی کے بھر جانے سے تالاب کامنظر پیش کر نے لگیں اہل علاقہ کااحتجاج تفصیلات کے مطابق راجن پور شہر کی فتح پور روڈ سے نکلنے والی بندروڈ عدم صفائی کی وجہ سے گندگی سے اَٹ چکی ہے جبکہ بھاری ٹریفک کے گذرنے کی وجہ سے سیوریج نالہ ٹوٹ چکاہے جس سے اکثر اوقات لانگ کالونی کی گلیاں گندے پانی سے بھر کر جوہڑ کی شکل اختیار کرلیتی ہیں اہل علاقہ محمد الیاس ،عبدالستار گبول، واحد بخش، محمد جلیل ،عبیداللہ آصف ،طارق بھٹی ودیگر نے احتجاج کرتے ہوئے بتلایا کہ عملہ صفائی یہاں کبھی کبھار آتا ہے جبکہ تحصیل میو نسپل آفیسر سمیت ایڈ منسٹر یٹر ٹی ایم اے کو متعدد بار درخواستیں دیں ہیں مگر تاحال کوئی شنوائی نہ ہوئی ہے اہل علاقہ نے ڈی سی او ظہور حسین گجر سے مطا لبہ کیا ہے کہ بندروڈ نالہ کی نئے سرے سے تعمیر اور بندروڈ کی مر مت کرائی جائے

راجن پور شہر سمیت دیہی علاقوں میں اوزان پاسنگ کے نام پر دوکا نداروں سے لوٹ مار جاری

راجن پور (ڈسٹر کٹ رپورٹر) راجن پور شہر سمیت دیہی علاقوں میں اوزان پاسنگ کے نام پر دوکا نداروں سے لوٹ مار جاری ،جعلسازوں کا گروہ مبینہ طور پر دوکا نداروں سے لوٹ مار کررہا ہے اوزان پاسنگ کاجھا نسہ دے کر محض رسید تھما دی جاتی ہے اور فی دو کاندار پانچ سوسے ایک ہزار روپے وصول کئے جارہے ہیں حکو مت پنجاب نوٹس لے تفصیلات کے مطابق محکمہ انڈسٹریز ولیبر ڈیپارٹمنٹ کے خا موش تماشائی بننے سے راجن پور کے دوکاندار جعلسازوں کے ہاتھوں لُٹنے پر مجبور ہو چکے ہیں آئے روز جعلسازوں کی ٹیم شہر اور دیہی علاقوں کے دو کا نداروں کے پاس پہنچ جاتی ہے مگر اوزان پاس کئے بغیر اُن سے پیسے لے کر رفو چکر ہو جاتی ہے تاجروں نے ضلع انتظا میہ سمیت حکو مت پنجاب سے نوٹس لینے اور ایسے جعلسازوں کے خلاف کاروائی کا مطا لبہ کیا ہے ۔

راجن پور ،انڈس ہائی وے پر ناجائز تجاوزات کی وجہ سے ٹریفک حادثات روز کا معمول بن گئے

راجن پور (ڈسٹر کٹ رپورٹر) راجن پور ،انڈس ہائی وے پر ناجائز تجاوزات کی وجہ سے ٹریفک حادثات روز کا معمول بن گئے گذشتہ اڑھتالیس گھنٹوں میں سات افراد ٹریفک حادثات کی بھینٹ چڑھ گئے انڈس ہائی وے کوکشادہ کرکے یک طرفہ تعمیر کیا جائے تفصیلات کے مطابق گذشتہ روز مختلف مقامات پر ٹریفک حادثات میں سات افراد جاں بحق ہوئے جبکہ دس کے قریب افرادزخمی ہوئے پہلا حادثہ گوٹھ مزاری کے قریب پیش آیا جس میں پٹرولنگ پولیس اہلکار سمیت دوموٹرسائیکل سوار ڈالہ کی ٹکر سے جاں بحق ہوئے دوسرا حادثہ کوٹلہ نصیر کے قریب پیش آیا جہاں گھاس سے لوڈ ٹریکٹر ٹرالی کے اُلٹنے سے دوافراد جاں بحق جبکہ سات کے قریب زخمی ہو گئے اس طرح کوٹلہ عیسن کے قریب مسافر کوچ کی ٹکر سے ایک موٹرسائیکل سوار جاں بحق ہوگیا جبکہ جام پور کے قریب تیز رفتار کوچ کی ٹکر سے ایک موٹرسائیکل سوار جاں بحق ہوا عوامی وشہری حلقوں نے انڈس ہائی وے کوکشادہ کرکے یک طرفہ تعمیر کر نے کا مطا لبہ کیا ہے ۔

صحافت بلاشبہ عظیم شعبہ مگر چند عناصر کے گھسنے سے بدنام ہورہا ہے منصو ر احمد خا ن سنجر انی

راجن پور (ڈسٹر کٹ رپورٹر) صحافت بلاشبہ عظیم شعبہ مگر چند عناصر کے گھسنے سے بدنام ہورہا ہے صحا فی اپنے درمیان سے کالی بھیڑیں نکال باہر کریں صحا فی بننے کے لئے تعلیم ،کردار اور مہارت وتجربہ کو مد نظر رکھا جائے مالکان علاقائی صحا فی سوچ سمجھ کر رکھیں صحافت کو باکردار بنانے کے لئے کردار ادا کر ناہو گا یہ باتیں صدر ڈسٹر کٹ پریس کلب سر دار منصو ر احمد خا ن سنجر انی نے صحافیوں کے اجلاس سے خطاب کرتے ہوئے کہی اُن کا کہنا تھا کہ پر نٹ والیکٹر انک میڈیا کے مالکان علاقائی صحا فیوں کااستحصال کررہے ہیں صحافیوں کو اُن کے پیشہ وارانہ فرائض کا معاوضہ دینا بھی اداروں کے فرائض میں شامل ہے حکو مت کا فرض ہے کہ وہ علاقائی صحافیوں کے درپیش مسائل کے حل میں کردار ادا کرے ۔

ڈپٹی ڈی ای او خواتین ساجدہ کریم کی تعیناتی سے معلمات کے مسائل حل ہوئے ہیں

راجن پور (ڈسٹر کٹ رپورٹر) تحصیل راجن پور کی خواتین اساتذہ نے اپنے ایک بیان میں کہا ہے کہ ڈپٹی ڈی ای او خواتین ساجدہ کریم کی تعیناتی سے معلمات کے مسائل حل ہوئے ہیں سکولوں میں سہولیات کی عدم فراہمی پر ڈپٹی ڈی ای او نے خصوصی دلچسپی لی آج تحصیل بھر کے سکول بہترین اداروں کا نمو نہ پیش کررہے ہیں جس کاسارا کریڈ ٹ ڈپٹی ڈی ای اوساجدہ کریم کو جاتا ہے یہ باتیں انہوں نے ایک ملاقات کے دوران کہیں اُن کا کہنا تھا کہ ایسے دوردرازسکول جہاں اساتذہ کو فرنیچر ،بجلی ،واش رومز اور پنکھوں کی عدم فراہمی سے مسائل کا سامنا تھا ساجدہ کریم نے خصوصی دلچسپی لے کر ترجیحی بنیادوں پر اساتذہ کے مسائل حل کرائے ۔

راجن پور تاحاجی پورروڈ سیلاب کے باعث مکمل تباہ ہوگئی

راجن پور (ڈسٹر کٹ رپورٹر) راجن پور تاحاجی پورروڈ سیلاب کے باعث مکمل تباہ ہوگئی ،سڑک پر جگہ جگہ گہرے کھڈے پڑ گئے حادثات روز کا معمول بن گئے ڈی اوروڈز ،ڈی سی او کو درخواستیں دینے کے باوجود تاحال سڑک کی تعمیر ومر مت کے لئے کوئی پیش رفت نہیں کی گئی شہریوں کااحتجاج وزیراعلیٰ پنجاب میاں محمد شہباز شریف سے نوٹس لینے کا مطا لبہ تفصیلات کے مطا بق راجن پور تاحاجی پور روڈ سیلاب کے باعث مکمل طور پر تباہ ہو گئی ہے سڑ ک پر جگہ جگہ گہرے کھڈے پڑ چکے ہیں کئی بارقیمتی انسانی جانیں ضائع ہوئیں مگر انتظا میہ ٹس سے مس نہ ہوئی سڑک کی تعمیر ومرمت اپنی جگہ گہرے کھڈوں کو پُر نہیں کیا گیا شہریوں کے مطابق انتظا میہ کو متعدد بار درخواستیں دیں مگر آج تک عملد رآمد نہیں ہوا شہریوں نے وزیراعلیٰ پنجاب سے نوٹس لینے کا مطا لبہ کیا ہے ۔

ٹریننگ برائے حصول فریش /تجدید لائسنس زرعی ادویات 2016ء فیز کا شیڈول مرتب کر دیا گیا الیاس رضا کلاچی

راجن پور ( ڈسٹر کٹ رپورٹر ) ٹریننگ برائے حصول فریش /تجدید لائسنس زرعی ادویات 2016ء فیز 2ndکا شیڈول مرتب کر دیا گیا ہے ۔شیڈول کے تحت درخواستیں اور فیس 24اکتوبر 2016ء سے 08نومبر 2016ء تک جمع کرائی جا سکتی ہیں۔یہ بات اسسٹنٹ ڈائریکٹر پلانٹ پروٹیکشن الیاس رضا کلاچی نے ایک مراسلہ کے ذریعے بتائی ہے۔انہوں نے مزید بتایا کہ تربیت فیس برائے فریش لائسنس مبلغ چھ ہزار روپے جبکہ تجدید لائسنس فیس مبلغ تین ہزار روپے مقرر کی گئی ہے۔جس کی ٹریننگ 10نومبر سے شروع کی جا رہی ہے۔انہوں نے بتایا کہ ضلع راجن پور کے سکونتی حضرات سابقہ زرعی لائسنس کی نقل اور دیگر دستاویزات کے ہمراہ اپلائی کر سکتے ہیں۔