ممکنہ سیلاب کے پیش نظر تمام ترحفاظتی انتظامات مکمل کر لئے گئے ہیں ظہور حسین گجر

راجن پور( ڈسٹر کٹ رپورٹر )ڈی سی او راجن پور ظہور حسین گجر نے آج لعل گڑھ و لنڈی سیدان پروٹیکشن فلڈ بند اور مختلف رودکوہی نالوں کا معائنہ کیا اور کہا کہ ممکنہ سیلاب کے پیش نظر تمام ترحفاظتی انتظامات مکمل کر لئے گئے ہیں۔ حفاظتی بندوں کو مزید مضبوط بنایاگیا ہے۔ خدانخواستہ اس ناگہانی آفت سے لوگوں کی جان و مال کی حفاظت کو ہر صورت ممکن بنایا جائے گا۔اس موقع پر ایکسیئن انہار،ای ڈی او زراعت اور دیگر متعلقہ افسران ان کے ہمراہ تھے۔ڈی سی او نے کہا کہ فلڈ آنے کی صورت میں ریلیف کیمپ،میڈیکل کیمپ اور جانوروں کے لئے چارہ کی موجود گی کو ممکن بنایا جائے گا۔ریسکیو 1122کی ٹیمیں ہمہ وقت قدرتی آفات سے نمٹنے کے لئے الرٹ رہیں۔سیلاب آنے سے پہلے تمام تیاریاں مکمل رکھیں ۔