بے نظیر انکم سپورٹ پرو گرام کے دفتر کو نامعلوم افراد نے آگ لگا دی ۔جس سے دفتر میں موجود تمام کمپیوٹر اور دیگر الیکٹرانک سامان جل گیا

راجن پور(کرائم رپورٹر )بے نظیر انکم سپورٹ پرو گرام کے دفتر کو نامعلوم افراد نے آگ لگا دی ۔جس سے دفتر میں موجود تمام کمپیوٹر اور دیگر الیکٹرانک سامان جل گیا ۔آگ سے چوکیدار بھی جھلس گیا۔پولیس نے موقع کا معائنہ کرنے کے بعد نامعلوم افراد کے خلاف مقدمہ درج کر لیا ۔عوامی حلقوں نے الزام لگایا ہے کہ دفتر کی کرپشن پردہ ڈالنے کیلئے ریکارڈ کو نذر آتش کیا گیا ہے ۔تفصیل کے مطابق گذشتہ شب بے نظیر انکم سپورٹ پروگرام کے دفتر کے دو کمروں میں اچانک آگ لگ گئی اورچوکیدارکے سر کے بالوں کو بھی آگ نے جلا دیا اس کی چار پائی جل کر راکھ ہو گئی ۔کمپلینٹ آفیسر محمد عثمان نے

صحافیوں کو بتایا کہ پٹرول ڈال کر آگ لگائی گئی ہے تاہم مینوئل ریکارڈ محفوظ ہیں دریں اثناء عوامی حلقوں کا کہنا ہے کہ کرپشن پر پردہ ڈالنے کیلئے ریکارڈ کو نذر آتش کیا گیا اور قیمتی الیکٹرانک اشیاء جل گئیں انہوں نے کہا کہ روزانہ پچاس سے لاکھ روپے کی کرپشن کی جا رہی ہے دیہی علاقوں میں ایجنٹ سادہ لوح لوگوں کو لوٹ رہے ہیں ۔میڈیا میں ہونے والی کرپشن کی نشاندہی پہلے ہی کر دی گئی تھی جس کی تفتیش کے خوف سے ریکارڈ کو جلایا گیا ہے ۔شیر محمد،عابد حسین،محمد یونس و دیگر نے حکام سے مطالبہ کیا ہے کہ اس کی فوری تحقیقات کرائی جائے اور ملوث افراد کو کیفر جردار تک پہنچایا جائے