عوام کو فری طبی سہولیات کی فراہمی کو یقینی بنا یا جا ئیگا ،غلام مر تضٰی

راجن پور( ڈسٹر کٹ رپورٹر)وزیر اعلیٰ پنجاب محمد شہباز شریف نے عوام کو فری طبی سہولیات کی فراہمی کے لئے انقلابی اقدامات کئے ہیں ۔پنجاب کے پچیس اضلاع میں ہیپاٹائٹس ،کڈنی ،لیور ریسرچ سنٹر بنائے جا رہے ہیں۔جہاں پر لوگ فری ٹیسٹ کروا کے مفت علاج کرائیں گے ۔ان خیا لات کا اظہار ڈپٹی کمشنر راجن پور ،پروجیکٹ ڈائریکٹر پنجاب بریگیڈئر (ر) غلام مرتضیٰ ،ایم این اے ڈاکٹر حفیظ الرحمان خان دریشک ،چیئرمین ضلع کونسل عبدالعزیز خان اور اسسٹنٹ ڈائریکٹر ڈاکٹر فیصل مسعود ہیپا ٹائٹس ریسرچ سنٹر راجن پور کے افتتاح کے موقع پر کیا ۔انہوں نے کہا کہ راجن پور میں ہیپاٹائٹس کے مریضوں کے لئے فری ٹیسٹ کرنے کے بعد مفت علاج کیا جائے گا۔اگر کوئی مریض دل اور گردے کے مرض میں مبتلا ہو گا تو اسے لاہور سنٹر ریفر کیا جائے گا۔