ضلع بھر میں نابینا افراد کے لئے 4رجسٹریشن قائم کئے گئےہیں شازیہ نواز

راجن پور ( ڈسٹر کٹ رپورٹر)حکومت پنجاب کی ہدایت کے مطابق نابینا افراد کی رجسٹریشن فوری کی جارہی ہے۔اس سلسلے میں لوگوں کو آگاہی پہنچائی جائے تاکہ نابینا افراد کو ملازمت میں خصوصی کوٹہ فراہم کیا جائے۔یہ باتیں ای ڈی او فنانس و سی ڈی اصغر جلبانی نے نابینا افراد کے حوالے سے ایک منعقدہ سیمینار سے خطاب کرتے ہوئے کہیں۔انہوں نے مزید کہا کہ ضلعی حکومت نابینا افراد کی رجسٹریشن کے لئے سینٹرز قائم کردئے گئے ہیں،نابینا افراد اپنی رجسٹریشن کروائیں۔اس موقع پر ڈی او سوشل ویلفیئر شازیہ نواز اور ڈپٹی سوشل ویلفیئر تہمینہ دلشاد نے بھی خطاب کرتے ہوئے کہا کہ ضلع بھر میں نابینا افراد کے لئے 4رجسٹریشن قائم کئے گئے ہیں۔ ابتک تقریباً 200افراد کی رجسٹریشن ہو چکی ہے۔یہ سیمینار آئی آر سی کے تعاون سے کیا گیا ہے ،اس کے کوارڈینیٹر مظفر خان ،عبدالستار اور مختیا ر حسین نے بھی شرکت کی۔اس کے ساتھ ساتھ مقامی ،سماجی اور نیشنل تنظیموں کے نمائندگان نے بھی شرکت کی۔