اشیاء خود و نوش کی کوالٹی پر کوئی سمجھوتہ نہیں کیا جائے گاآفتاب احمد

راجن پور(ڈسٹر کٹ رپو ر ٹر)ضلع راجن پور میں اشیاء خود و نوش کی کوالٹی پر کوئی سمجھوتہ نہیں کیا جائے گا۔دوکان دار گورنمنٹ کے مقرر کردہ نرخوں کے مطابق اشیاء فروخت کریں وزن کا خاص خیال رکھا جائے۔عوام کو سستی اور معیاری اشیاء کی فراہمی ضلعی انتظامیہ کی اولین ترجیح ہے۔یہ باتیں ڈی او سی آفتاب احمد نے ضلعی پرائس کنٹرول کمیٹی کے اجلاس کی صدارت کرتے ہوئے کہیں۔اس موقع پر انجمن تاجران ،دوکانداران ،مارکیٹ کمیٹی کے افسران ،نمائندہ صارفین اور دیگر متعلقہ افسران موجود تھے۔ڈی او سی نے کہا ہے کہ حکومت پنجاب عام آدمی کو کھانے پینے کی اشیاء میں ریلیف دینا چاہتی ہے۔ انہوں نے کہا ہے کہ اب کافی حد تک پٹرول کی قیمتیں کم ہو گئی ہیں تاجر حضرات بھی اشیاء کی قیمتوں میں رضا کارانہ طور پر کمی کریں اور معیار کو بہتر بنائیں۔