ضلع راجن پور میں نوجوانوں کی صلاحیتوں کو اجاگر کر نے کے لئے ڈسٹرکٹ گورنمنٹ نوجوانوں میں کھیلوں کے مقابلے کرواکران کو صحت مند دیکھنا چاہتی ہے عبدالرؤف مغل

راجن پور ( ڈسٹر کٹ رپورٹر)راجن پور میں ڈیفنس ڈے کے حوالے سیسپورٹس مقابلہ جات جاری ہیں۔بیڈ منٹن کے مقابلہ جات اظہار عثمانی بیڈ منٹن کلب v/sمہرے والا کلب کے درمیان کھیلا گیا۔جس میں فیض محمد رانجھو اور محمد انیس نے عدیل اور حسین بزدار کو 6-4سے شکست دے کر فائنل میچ جیت لیا۔اس تقریب کے مہمان خصوصی عبدالرؤف مغل) ڈی ایم او) راجن پور تھے۔جنہوں نے کھلاڑیوں میں انعامات تقسیم کئے ۔اس موقع پر اسسٹنٹ ڈائریکٹر کالجز فخرلطیف بزدار ،سیکرٹری (ڈی ایف اے) راجن پور اصغر عباس،ڈسٹرکٹ سپورٹس آفیسر محمد فیصل بھی موجود تھے۔علاوہ ازیں پھول خان بزدار،چوہدری محمد نواز اور دیگر معززین نے شرکت کی۔ ڈی ایم او نے کہا ہے کہ ضلع راجن پور میں نوجوانوں کی صلاحیتوں کو اجاگر کر نے کے لئے ڈسٹرکٹ گورنمنٹ نوجوانوں میں کھیلوں کے مقابلے کرواکران کو صحت مند دیکھنا چاہتی ہے تاکہ نوجوان ملک کے دفاع میں اہم کردار ادا کر سکیں۔