ڈینگی کی افزائش کو روکنے کے لئے اپنے اردگرد کے ماحول کو صاف ستھرارکھیں شاہینہ ناز

راجن پور (ڈسٹر کٹ رپورٹر )ڈینگی کی افزائش کو روکنے کے لئے اپنے اردگرد کے ماحول کو صاف ستھرارکھیں ۔ڈینگی بخار کی علامات ظاہر ہونے پر فوری قریبی ہسپتال سے رجوع کریں۔ڈینگی سے ڈرنے کی نہیں بلکہ لڑنے کی ضرورت ہے ان خیالات کا اظہار پرنسپل گورنمنٹ گرلز ڈگری کالج راجن پور مسز شاہینہ ناز نے آگاہی سیمینارسے خطاب کرتے ہوئے کیا۔ انہوں نے کہا کہ طلوع آفتاب اور غروب آفتاب کے وقت زیادہ احتیاط کی ضرورت ہے اور ہمیں چاہئے کہ ماحول کو صاف ستھرا اور خشک رکھیں کہیں بھی پانی کھڑا نہ ہونے دیں۔اس موقع پر لیکچرارز ،سٹاف اور طالبات کی کثیر تعداد نے شرکت کی۔