معاشرے کی ستائی ہوئی خواتین کی مدد اور ان کی حوصلہ افزائی کرنا بھی ہماری معاشرتی ذمہ داری ہے سلطانہ ظہور

راجن پور (ڈسٹرکٹ رپورٹر )معاشرے کی ستائی ہوئی خواتین کی مدد اور ان کی حوصلہ افزائی کرنا بھی ہماری معاشرتی ذمہ داری ہے ۔معاشرے کی یہ بھی ذمہ داری ہے کہ خواتین کے حقوق کا خیال رکھا جائے ۔ ان خیالات کا اظہار بیگم ڈی سی او سلطانہ ظہور نے دارالامان میں مقیم خواتین اور بچوں عید گفٹس تقسیم کرتے ہوئے کیا ۔اس موقع پر سپرنٹنڈنٹ دارالامان تہمینہ دلشاد ،ڈی او سوشل ویلفیئر شازیہ نواز ،منیجر صنعت زار نادیہ نواز اور دیگر متعلقہ خواتین موجود تھیں۔سپرنٹنڈنٹ دارالامان تہمینہ دلشاد نے بیگم ڈی سی او کو بتایا کہ اس وقت دارالامان میں دس خواتین اور سات بچے مقیم ہیں اور ان کو وقت پر معیاری کھانا فراہم کیا جا رہا ہے۔سیکیورٹی کے انتظامات بہتر ہیں اور سی سی ٹی وی کیمروں سے مسلسل نگرانی کی جا رہی ہے۔