ضیاء شہید روڈ پر تجاوزات کے خلاف ایکشن ،پختہ تجاوزات کا خا تمہ

راجن پور (ڈسٹر کٹ رپورٹر) تحصیل میو نسپل ایڈ منسٹریشن راجن پور کا ضیاء شہید روڈ پر تجاوزات کے خلاف ایکشن ،پختہ تجاوزات بھی ہٹوادی گئیں سڑک کشادہ ہوگئی شہریوں کا اظہار اطمینان صدر بازار کو بھی تجاوزات سے پاک کرنے کا مطالبہ راجن پور کے شہریوں محمدامان اللہ ،نعیم اکبر ،چوہدری عبدالمجید ،اللہ ڈتہ ودیگر نے صحافیوں سے گفتگو کرتے ہوئے کہا کہ نئے ڈی سی او ظہور حسین گجر کی ہدایت پر شہر میں تجاوزات کے خلاف ایکشن لیا جارہا ہے گذشتہ روز ضیاء شہید روڈ کو تجاوزات سے مکمل طور پر پاک کردیا گیا ہے جس سے سڑک مکمل طور پر کشادہ ہوگئی ہے شہریوں نے ٹی ایم اے ایڈ منسٹریٹر وضلعی انتظا میہ سے مطالبہ کیا ہے کہ صدر بازار میں بھی تجاوزات کے خلاف بلاتفریق آپریشن کیا جائے اور اسے قبضہ مافیا سے واگذار کرایا جائے