اپنی زندگی کے تجربات اور تحقیق کے حوالے سے طلبا ء طالبات کو اہم معلومات فراہم کیں پروفیسر بلال احمد

راجن پور ( ڈسٹر کٹ رپورٹر )گورنمنٹ کالج آف کامرس راجن پور میں اینٹی ڈینگی سیمینار منعقد کیا گیا۔ فوکل پرسن پروفیسر بلال احمدنے طلباء ، طالبات کو ڈینگی کی علامات اور اس سے بچاؤ کی تدابیر سے آگاہ کیا۔پروفیسر نذیر احمد سکھانی پرنسپل ادارہ اور ڈپٹی ڈائیرکٹر کالجز راجن پور پروفیسر کلیم اختر قریشی نے بھی شرکاء سے خطاب کیا۔ اس موقع پر اسسٹنٹ ڈائریکٹر کالجز فخر لطیف بزد ار بھی موجود تھے۔علاوہ ازیں معروف مورخ، محقق، مصنف جناب سلمان رشید جو کہ لاہور سے راجن پور میں مختلف تاریخی حوالے سے تحقیق کے سلسلے میں تشریف لائے تھے۔انہوں نے گورنمنٹ کالج آف کامرس راجن پور کا وزٹ کیا۔ جسمیں انہوں نے اپنی زندگی کے تجربات اور تحقیق کے حوالے سے طلبا ء / طالبات کو اہم معلومات فراہم کیں۔ انہوں نے اپنے معروف سفر ناموں کا بھی ذکر کیا۔ طلباء/ طالبات ان کی گفتگو سے مستفید اور محظوظ ہوئے ۔ اس موقع پر کالج کے پرنسپل پروفیسر نذیراحمد سکھانی ، پروفیسر محمد نصراللہ اور پروفیسر بلال احمد بھی موجود تھے۔