ضلع کی پسماندگی ختم ہو سکے ظہور حسین گجر

راجن پور (ڈسٹر کٹ رپورٹر )ڈسٹرکٹ کوآرڈینیشن کمیٹی کاا جلاس ڈسٹرکٹ کمپلیکس کے کمیٹی روم میں منعقد ہوا جس کی صدارت مقامی ایم این اے سردار ڈاکٹر حفیظ خان دریشک نے کی ۔اجلاس میں ڈی سی او ظہور حسین گجر ، اے ڈی سی ، ڈی ایم او ، ای ڈی او زراعت ،ڈی ایس پی ،ڈی او فنانس ،ایس ڈی او ہائی وے صوبائی،ڈی او بلڈنگ اور دیگر ضلعی افسران بھی موجود تھے۔ایم این اے نے خطاب کرتے ہوئے کہا کہ ضلع راجن پور کی ترقی کے لئے وزیر اعلیٰ پنجاب میاں شہباز شریف خطیر رقم خرچ کر رہے ہیں ۔جس میں زراعت ،روڈز،سرکاری عمارات اور دیگر ترقیاتی کام شامل ہیں۔انہوں نے کہا کہ عوام کی سہولت کے لئے ان تمام منصوبوں کو جلد مکمل کیا جائے تاکہ ضلع کی پسماندگی ختم ہو سکے۔اس موقع پر ڈی سی او نے بریفننگ دیتے ہوئے ضلع بھر میں ہونے والے تمام ترقیاتی منصوبوں کے بارے میں آگاہ کیا ۔ایس ڈی او ہائی وے عمیر خان نے بتایا کہ وزیر اعلی پنجاب کا روڈ میپ پروگرام کے تحت ضلع بھر میں آٹھ مختلف دیہی علاقوں میں روڈز بنائے جا رہے ہیں ۔جس سے دیہی علاقوں میں ترقی ہو گی۔