راجن پور بھر میں تجاوزات کی بھر مار ،شہری آمدورفت کے لئے پریشان

راجن پور (ڈسٹر کٹ رپورٹر) راجن پور بھر میں تجاوزات کی بھر مار ،شہری آمدورفت کے لئے پریشان ،صدر بازار سمیت تمام بازار تجاوزات سے سکڑ گئے پختہ سڑکات پر دو کانداروں نے سامان سجا دیا ڈی سی او راجن پور تجاوزات کے خلاف آپریشن کے احکا مات جاری کرکے شہریوں کی مشکل حل کریں شہریوں محمد احسن فرید،عدنان علی،محمد مصطفی،نعیم اکبر ،غلام حسین ،اعجاز حسین ،عبیداللہ ،جلیل احمد ودیگر نے صحافیوں سے گفتگو کرتے ہوئے کہا کہ راجن پور کی صدر بازار ،سرکلرروڈ ،مزاری مارکیٹ ،کچہری چوک ،جیل روڈ،گبول مارکیٹ ،ضیاء شہید روڈ،جنرل بس اسٹینڈ،عاقل پور روڈسمیت دیگر پر تجاوزات مافیا نے مکمل قبضہ جما رکھا ہے دوکانداروں نے اپنی دوکانو ں کاسامان پختہ روڈ ز پرسجا رکھا ہے رہی سہی کسر ہتھ ریڑھی بانوں اور موٹر سائیکل رکشہ والوں نے پوری کردی ہے ان بازاروں سے شہریوں کا گذرنا محال ہو چکا ہے شہریو کے مطابق ٹی ایم اے کے آفیسران کو متعدد بار صورتحال کی سنگینی سے آگاہ کیا مگر عمل در آمد نہ ہوا شہریوں نے ڈی سی او راجن پور سے تجاوزات کے خلاف بلاامتیاز آپریشن شروع کر نے کا مطا لبہ کیا ہے ۔