قوم میں آج بھی 6ستمبر 1965ء جیسا جذبہ مو جو د ہے آ فتاب احمد

راجن پور (ڈسٹر کٹ رپورٹر )دشمن کی جارحیت کا جواب دینے کے لئے افواج پاکستان کے شانہ بشانہ پوری قوم سیسہ پلائی دیوار ثابت ہوئی۔پاکستانی قوم میں آج بھی 6ستمبر 1965ء کا جذبہ موجزن ہے۔آپریشن ضرب عضب اس جذبے کا تازہ پر تو ہے۔ان خیالات کا اظہار ڈی او سی آفتاب احمد نے یوم دفاع پاکستان کی تقریب میں بطور مہمان خصوصی خطاب کرتے ہوئے کیا۔انہوں نے کہا کہ امسال یوم دفاع پاکستان کے پچاس سال مکمل ہو رہے ہیں۔انہوں نے کہا کہ میں شہدا کو خراج عقیدت پیش کرتا ہوں۔اس تقریب کا آغاز تلاوت کلام پاک اور نعت رسول مقبولﷺ سے ہوا۔اس تقریب میں دانش سکول فاضل پور کے علاوہ گردونواع کے دیگر سکولوں کے اساتذہ اور بچوں نے بھرپور شرکت کی۔بچوں کے درمیان تقریری مقابلہ کرایا گیا جس کا عنوان یوم دفاع پاکستان اور ضرب عضب تھا۔علاوہ ازیں بچوں نے ملی نغمے بھی پیش کئے اور آخر میں پوزیشن لینے والے بچوں میں انعامات تقسیم کئے گئے۔اس تقریب میں ای ڈی او سی ڈی اور تعلیم نے بھی اپنے اپنے خیالات کا اظہار کیا۔اس موقع پر ایم پی اے کے نمائندہ جمیل خان بزدار، اے سی راجن پور چوہدری مختار،پرنسپل دانش سکول،ڈی او جنگلات طلعت عباس بھی موجودتھے۔