اچھی اور تازہ اشیاء خود نوش کی فراہمی اولین ترجیح ہے چوہدری مختار

راجن پور(ڈسٹر کٹ رپورٹر)عوام کو ہرصورت میں صاف ستھری ،اچھی اور تازہ اشیاء خود نوش کی فراہمی اولین ترجیح ہے۔ ضلعی فوڈ کنٹرول اتھارٹی حکومت پنجاب کی ہدایت پر مختلف ہوٹلوں ،بیکر ،فیکٹروں اور گوداموں پر چھاپے مارے جارہے ہیں یہ باتیں اسسٹنٹ کمشنر راجن پور چوہدری مختار نے مختلف ہوٹل اور فیکٹریوں میں چھاپے مارنے کے دوران کہیں۔ اسسٹنٹ کمشنر نے دونمبر وصفائی اور ناقص میٹریل اور ملاوٹ کرنے والوں کوسیل اور نقد جرمانہ کئے۔ انہوں نے کہا کہ تمام دوکاندار ،ہوٹل مالکان اور فیکٹری مالکان ،صاف ستھری چیز فروخت کریں ،کوالٹی پر کسی قسم کا سمجھوتا نہیں کیا جائے گا۔ اشیاء خردو نوش میں ملاوٹ کرنے والے کسی رعایت کے مستحق نہیں اور یہ مہم تیزی سے جاری ہے۔ ڈی سی او راجن پور کی ہدایت پر فوڈ اتھارٹی اپنا کام کررہی ہے۔