دشمن کے ناپاک عزائم کو کبھی بھی کامیاب نہیں ہونے دیں گے عبدالغفار لنگاہ

راجن پور(ڈسٹر کٹ رپورٹر) یوم دفاع کے سلسلے میں گورنمنٹ بوائزہائی میں ایک تقریب منعقد ہوئی جس کی صدارت اے ڈی سی ارشد گوپانگ نے کی ۔ اس تقریب میں مختلف سکولوں کے بچوں نے ملی نغموں کے مقابلوں میں حصہ لیا اور فرسٹ اینڈ سیکنڈ آنے والے بچوں میں انعامات تقسیم کئے اور باقی بچوں کی حوصلہ افزائی کیلئے انعامات دئیے گئے ۔اس تقریب میں اے ڈی سی نے خطاب کرتے ہوئے کہا یہ وطن کافی قربانیوں سے حاصل ہوا اور اس کا دفاع بھی ہم کرنا جانتے ہیں اور دشمن کے ناپاک عزائم کو کبھی بھی کامیاب نہیں ہونے دیں گے۔ اس موقع پرڈی ایم او عبدالرؤف ،ای ڈی او تعلیم عبدالغفار لنگاہ اور سینئر ہیڈ ماسٹر چوہدری نوراحمد نے بھی اپنے اپنے خیالات کا اظہار کیا۔