مسلم لیگ ن نے ملک کوترقی کی راہ پر گامزن کردیا ہے ڈاکٹر حفیظ الرحمن خان دریشک

راجن پور (ڈسٹرکٹ رپورٹر)ایم این اے مسلم لیگ ن ڈاکٹر حفیظ الرحمن خان دریشک نے کہا ہے کہ مسلم لیگ ن نے ملک کوترقی کی راہ پر گامزن کردیا ہے وہ وقت دُور نہیں جب پیارے وطن سے اندھیروں کا مکمل خاتمہ ہوجائیگا دریائے سندھ پر پختہ پل کی تعمیر مکمل ہونے سے راجن پور میں ترقی کے نئے دور کا آغاز ہوگا اِن خیالا ت کااظہاراُنہوں نے مسلم لیگ ن کے کارکنان اوراپنے گروپ کے سپورٹران سے گفتگو کرتے ہوئے کیااُن کا کہنا تھا کہ ضلع راجن پور کوسیلاب کی تباہ کاریوں سے محفوظ بنا نے کے لئے اربوں روپوں کی لاگت سے واٹر چینلز تعمیر کئے جارہے ہیں جس سے رودکوہی کے پانی کو نہ صرف محفوظ راستوں سے دریا میں ڈالا جائیگا بلکہ اسے نہروں کے ذریعے قابلِ استعمال بھی بنایا جائیگا اُن کا کہناتھا کہ ہر سیلاب متاثرکواُس کے ہو نے والے نقصان کا آزالہ حکو مت پنجاب کریگی اس حوالے سے سروے لسٹوں کے کام مکمل ہوتے ہی امدادی پیکج کا اعلان کیا جائیگااُن کا کہنا تھا کہ بطور ایم این اے اُنہوں نے کروڑوں روپوں کے تعمیراتی پراجیکٹ مکمل کرائے انشاء اللہ عوامی خد مت کے اس سفر کو جاری رکھیں گے اُن کا کہنا تھا کہ بلدیاتی انتخابا ت میں مضبوط اور باکردار اُمیدوارسامنے لائیں گے ۔