دشمن کی جارحیت کا جواب دینے کے لئے افواج پاکستان کے شانہ بشانہ پوری قوم سیسہ پلائی دیوار ثابت ہوئی روفیسر کلیم اختر

راجن پور (ڈسٹر کٹ رپورٹر) یوم دفاع پاکستان کے سلسلے میں گورنمنٹ پوسٹ گریجویٹ کالج راجن پور میں ایک تقریب منعقد ہوئی جس سے خطاب کرتے ہوئے ڈپٹی ڈائریکٹر کالجز پروفیسر کلیم اختر قریشی نے کہا کہ دشمن کی جارحیت کا جواب دینے کے لئے افواج پاکستان کے شانہ بشانہ پوری قوم سیسہ پلائی دیوار ثابت ہوئی۔پاکستانی قوم میں آج بھی 6ستمبر 1965ء کا جذبہ موجزن ہے۔آپریشن ضرب عضب اس جذبے کا تازہ پر تو ہے۔انہوں نے کہا کہ امسال یوم دفاع پاکستان کے پچاس سال مکمل ہو رہے ہیں۔ انہوں نے کہا کہ اس دفاع پاکستان کی تقریبات ضلع بھر کے کالجز میں جاری ہیں۔اس تقریب کا آغاز تلاوت کلام پاک اور نعت رسول مقبولﷺ سے ہوا۔اس تقریب میں پرنسپل ڈاکٹر شکیل پتافی، اساتذہ اورطلباء نے بھرپور شرکت کی۔طلباء کے درمیان تقریری مقابلہ کرایا گیا جس کا عنوان یوم دفاع پاکستان اور ضرب عضب تھا۔علاوہ ازیں بچوں نے ملی نغمے بھی پیش کئے اور آخر میں پوزیشن لینے والے طلباء میں انعامات تقسیم کئے گئے۔