کٹوتی کرنے والے جنرز کے خلاف کاروائی عمل میں لائی جائیگی محمداسلم نجم

راجن پور (ڈسٹرکٹ رپورٹر) ڈسٹر کٹ آفیسر زراعت محمداسلم نجم نے کہا ہے کہ جنرز کی جانب سے کسانوں کے ساتھ ہونے والی زیادتی کسی صورت برداشت نہیں کی جائیگی فی من آدھ کلو سے زائد کٹوتی کرنے والے جنرز کے خلاف کاروائی عمل میں لائی جائیگی کپاس کی فصل پر ناجائز کٹوتی کے خلاف کسان محکمہ زراعت سے رابطہ کریں ان خیالات کااظہار اُنہوں نے کسانوں کے نام ایک پیغام میں کیااُن کا کہنا تھا کہ کسانوں تک پیغام پہنچا نے کے لئے راجن پور بھر میں مصروف ترین چوراہوں پر بینرز آویزاں کردیئے گئے ہیں اُن کا کہنا تھا کہ کپاس کی فصل میں نمی ،سانگلی ،پتری کی وجہ سے اُنہیں آدھ کلو کی چھوٹ دی گئی ہے اس موقع پر سپر نٹنڈ نٹ چوہدری محمددین بھی موجود تھے ۔