وسائل کا رخ جنوبی پنجاب کی طرف موڑ دیا ہے سردار عاطف حسین خان مزاری

راجن پور (ڈسٹر کٹ رپورٹر ) غربت سکور 0-23کے تحت تحصیل روجھان کے غریب خواتین،مرد اور نوجوانوں میں حکومت پنجاب کا ادارہ برائے تخفیف غربت(جنوبی پنجاب ) کے ذریعے امداد کا سلسلہ جاری ہے۔اس سلسلے میں ہم وزیراعلیٰ پنجاب محمد شہباز شریف کے مشکور ہیں جنہوں نے وسائل کا رخ جنوبی پنجاب کی طرف موڑ دیا ہے۔ان خیالات کا اظہار ممبر صوبائی اسمبلی پنجاب سردار عاطف حسین خان مزاری نے میڈیا سے گفتگو کرتے ہوئے کیا۔انہوں نے کہا کہ غریب مستحقین اور بیوہ خواتین میں ادارہ برائے تخفیف غربت کے تحت بکریاں اور پلاٹ تقسیم کئے جا رہے ہیں۔تاکہ وہ معاشی طور پر مضبوط ہو سکیں اور انہیں کسی دوسرے کا دست نگر نہ ہونا پڑے۔ایم پی اے نے کہا کہ اس کے علاوہ غریب مردوں میں کھاد بیج کی مفت تقسیم جبکہ زرعی آلات نصف قیمت پر فراہم کئے جا رہے ہیں۔اس طرح غریب نوجوان مر د اور خواتین کو ان کی مرضی کے مطابق ہنر سکھایا جا رہا ہے۔عاطف حسین خان مزاری نے وزیر اعلی پنجاب محمد شہباز شریف کے اس اقدام کو سراہا اور اسے تحصیل روجھان کی غریب عوام کے لئے تحفہ قرار دیا۔ اس موقع پر سردار امجد خان مزاری اور سردار صفدر خان مزاری بھی ان کے ہمراہ تھے۔