سپیشل بچے ہم سب کی توجہ کے مستحق ہیں اصغر جلبانی

راجن پو ر (ڈسٹر کٹ رپورٹر )سپیشل بچے ہم سب کی توجہ کے مستحق ہیں ۔تعلیم کے علاوہ کھیل کے میدان میں بھی ان کو حصہ لینا چاہئے تاکہ یہ بچے جسمانی طور پر صحت مند رہیں ۔ان خیالات کا اظہار ای ڈی او سی ڈی اصغر جلبانی نے سپیشل ایجوکیشن سکول میں تین روزہ سپورٹس میلہ کا افتتاح کرتے ہو ئے کیا۔اس موقع پر سکول کے پرنسپل آصف بشیر ،اساتذہ ،سٹاف اور بچوں نے شرکت کی۔سپورٹس میلہ کی تقریب کا آغاز تلاوت کلام پاک اور نعت رسول مقبولﷺ سے کیا گیا۔سپورٹس میلہ کا افتتاح ای ڈی او سی ڈی نے فٹ بال کو کک لگا کر کیا۔اس موقع پر سکول کے پرنسپل نے بتایا کہ میلہ تین دن جاری رہے گا۔ اس میں مختلف گیمز کرائی جائیں گی جن میں فٹ بال ،کرکٹ،دوڑ،بوری ریس،رسہ کشی وغیرہ شامل ہیں۔اس سپورٹس میلہ میں اساتذہ و سٹاف اور بچے کھیلوں کے مقابلوں میں حصہ لیں گے۔اول آنے والے بچوں کو انعامات بھی دیئے جائیں گے۔