راجن پور،تجاوزات کے خلاف تحصیل انتظامیہ کاآپریشن،تاجر برادری سراپاء احتجاج

راجن پور(ڈسٹرکٹ رپورٹر) راجن پور،تجاوزات کے خلاف تحصیل انتظامیہ کاآپریشن،تاجر برادری سراپاء احتجاج ،کئی گھنٹے قومی شاہراہ بند کردی ،دونوں اطراف گاڑیوں کی لمبی قطاریں لگ گئیں،قیمتی سامان واپس کر نے کی یقین دہانی پر پانچ گھنٹے بعد جلوس منتشرہوگیاتفصیلات کے مطابق بلدیہ راجن پور کے آفیسرز اور اہلکاروں نے سٹی پولیس کی بھاری نفری کے ہمراہ گذشتہ شب تجاوزات کے خلاف آپریشن کیا اور بھاری تعداد میں تجاوز کیا گیا سامان بھی قبضہ میں لے لیا جس پر چوک الہ آباد کے تاجروں نے ٹریفک چوک پر ٹائر جلا کرانڈس ہائی وے کو بند کردیا اس دوران مظاہرین نے انتظا میہ اور ایڈ منسٹریٹر بلدیہ کے خلاف نعرے بھی لگائے مظاہرین جن کی قیادت صدر انجمن تاجران چوک الہ آباد چوہدری آصف ،صدر بار واُمیدوار چئیر مین میونسپل کمیٹی چوہدری نعیم ثاقب کا کہنا تھا کہا کہ اُن کے نمائندگان اور انتظا می آفیسران کے ساتھ طے پایا کہ چار فٹ تک تجاوز کی اجازت ہے مگر آپریشن کے دوران ایسے دوکانداروں کاسا مان ضبط کیا گیا ایسا کر کے دوکانداروں کے ساتھ زیادتی کی گئی ہے اب تاجر زیادتی کے آزالہ تک یہاں سے ہٹنے والے نہیں اس دوران سٹی پولیس کی نفری بھی پہنچ گئی مظاہرین کے احتجاج کے باعث کرا چی سے پشاور جا نے والی گاڑیوں کی لمبی قطاریں لگ گئیں اس دوران ایس ڈی پی او ہیڈ کوآرٹر چوہدری اعجاز رندھاوا ،ٹی ایم او چوہدری فرمائش علی نے مظاہرین کیساتھ مذاکرات کئے جس میں سامان کی واپسی سمیت شرائط مان لی گئیں جس پر مظاہرین منتشر ہوگئے ۔