راجن پور ’’بد عنوانی‘‘ کے موضوع پر گورنمنٹ گرلز ڈگری کالج راجن پور میں تقریری مقابلوں کا انعقاد

راجن پور ( ڈسٹر کٹ رپورٹر) ’’بد عنوانی‘‘ کے موضوع پر گورنمنٹ گرلز ڈگری کالج راجن پور میں تقریری مقابلوں کا انعقاد۔تفصیلات کے مطابق پوسٹ گریجویٹ کالج راجن پور ،گرلز ڈگری کالج راجن پور ،جام پور اور فاضل پور کی طالبات نے تقریری مقابلوں میں حصہ لیا۔اردوڈیبیٹ میں فسٹ پوزیشن نوشابہ نور گرلز کالج راجن پور،سیکنڈمصباح مسلم پوسٹ گریجویٹ کالج،تھرڈپوزیشن عفیفہ اسد فاضل پور گرلز کالج جبکہ انگریزی ڈیبیٹ میں اول پوزیشن حرا خالد گرلز کالج راجن پور، سیکنڈ مریم عزیز فاضل پور اور تھرڈ پوزیشن عبیرا حبیب گرلز کالج جام پور نے حاصل کی۔اس تقریب کے موقع پر میزبان کالج، گورنمنٹ گرلز ڈگری کالج راجن پورکی پرنسپل مسز شاہینہ ناز نے خطاب کرتے ہوئے کہا کہ معاشرے سے بد عنوانی کے خاتمہ سے قومی ترقی کو درپیش بڑے خطرات ختم ہو جاتے ہیں۔انہوں نے کہا کہ نوجوان نسل کو اس برائی سے آگاہی دینے کے لئے تعلیمی اداروں میں کردار سازی کی سوسا ئیٹی کا قیام عمل میں لایا گیا ہے۔اس موقع پر پروفیسرز، لیکچرارز،سٹاف اور طالبات کی کثیر تعداد موجود تھی۔