را جن پور اوباش زمیندار کی حا ملہ خا تو ن سے زیا دتی ،پو لیس کا روا ئی سے گر یزاں

راجن پور (ڈسٹر کٹ رپورٹر)تحصیل جام پور کے نواحی موضع کوٹ جانوں میں مقامی زمیندار کی گن پوائنٹ پر سات ماہ کی حاملہ خاتون کے ساتھ زیادتی ،پولیس ساز باز ،تاحال زیادتی کا ملزم گرفتار نہ ہوسکا ،اُلٹا متاثرہ خاندان کوملزم کی جانب سے سنگین نتائج کی دھمکیاں ،وزیراعظم پاکستان ،وزیراعلیٰ پنجاب ہمیں انصاف دلائیں جلدانصاف نہ ملا تو خودسوزی کرلوں گی متاثرہ خاتون سمیت متاثرین کی میڈیا سے گفتگو تفصیلات کے مطابق تحصیل جام پور کے نواحی موضع کوٹ جانوں میں مقا می بااثر مسلح زمینداراحمد بخش قوم ببر نے گھاس کاٹتی دوبچوں کی ماں اورسات ماہ کی حاملہ خاتون مسماۃ (ش ) کو گن پوائنٹ پر دبوچ لیا اور زبردستی زیادتی کا نشانہ بنایا خاتون کے شور مچانے پر لوگوں کو آتا دیکھ کر ملزم اسلحہ لہراتا ہوا فرار ہوگیا متاثرہ خاندان کے سربراہ گل محمد قوم لنگاہ نے متاثرہ خاتون کے ہمراہ میڈیا سے گفتگو کرتے ہوئے کہا کہ جام پور پولیس نے مقد مہ درج کر نے سے انکار کردیا تھا بڑے اصرار اور شور مچانے پر مقدمہ تودرج کرلیا مگر تاحال ملزم کو گرفتار نہ کیا گیا متاثرہ سربراہ کے مطابق ہم غریب لوگ ہیں ان بڑے سرداروں کا مقابلہ کر نے کی سکت نہیں رکھتے ہمارے ساتھ ظلم وزیادتی کی گئی جبکہ اب ہم انصاف کے حصول کے لئے دَر بدر کی ٹھوکریں کھا رہے ہیں مقامی زمیندار ہمیں پولیس کے پاس جانے پر سنگین نتائج کی دھمکیاں دے رہا ہے اُنہوں نے وزیراعظم میاں نوازشریف ،وزیراعلیٰ پنجاب شہباز شریف سے انصاف کی اپیل کی ہے اُن کا کہنا ہے کہ اگر اُنہیں انصاف نہ دیا گیا تووہ وزیراعلیٰ ہاؤس کے سامنے خودسوزی پر مجبور ہوں گے ۔