این سی اے کی مالی معاونت سے مزید ضلع راجن پور کے متاثرین میں میٹھے پانی کی فراہمی کے منصوبے شروع کئے جا رہے ہیں اظہر منیر

راجن پور ( ڈسٹر کٹ رپورٹر) سنگی فاؤنڈیشن ضلع راجن پور کی یونین کونسل فتح پور ، حاجی پور اور جہان پور میں سیلاب متاثرین کو پینے کے لئے میٹھا پانی اور ماحول کو صاف ستھرا بنانے کے لئے 1500افراد کو تربیت دے رہی ہے اور واش کٹس بھی فراہم کی جارہی ہیں ۔ان خیالات کا اظہار پروجیکٹ منیجر اظہر منیر سنگی فاؤنڈیشن نے واش کٹس کی تقسیم کرتے ہوئے کیا ۔انہوں نے کہا کہ این سی اے کی مالی معاونت سے مزید ضلع راجن پور کے متاثرین میں میٹھے پانی کی فراہمی کے منصوبے شروع کئے جا رہے ہیں ۔مزید انہوں نے کہا کہ فتح پور ،حاجی پور اور جہان پورمیں واٹر ٹرک کے ذریعے دور دراز علاقوں میں میٹھا پانی پہنچایا جا رہا ہے۔829خاندانوں میں واش کٹس تقسیم کر دی گئی ہیں۔ مزید واش کٹیں 1500خاندانوں میں تقسیم کی جائیں گی۔