حکومت پنجاب کسانوں کی ترقی کے لئے سنجیدہ ہے ظہور حسین گجر

راجن پور(ڈسٹر کٹ رپورٹر ) حکومت پنجاب کی طرف سے کسانوں کے لئے ایک بڑا کسان پیکج لے کر آئے ہیں تاکہ زراعت کی صنعت کو مضبوط کیا جا سکے۔اس حوالے سے پہلے فیز میں کسانوں میں تاریخی زرعی پیکج کی تقسیم کی جارہی ہے۔ان باتوں کا اظہار ڈی سی او راجن پور چوہدری ظہور حسین گجر نے تحصیل روجھان میں قائم کسان پیکج کی کی تقریب سے خطاب کرتے ہوئے کیا۔اس تقریب میں ایم پی اے سردار عاطف حسین مزاری،اے سی روجھان ،ڈی او فاریسٹ اور کسانوں کی بڑی تعداد نے شرکت کی۔ بعد ازاں میڈیا سے بات چیت کرتے ہوئے ڈی سی او راجن پور نے کہا کہ حکومت پنجاب کسانوں کی ترقی کے لئے سنجیدہ ہے ۔زراعت بلا شبہ کسی بھی ملک کی ترقی میں ریڑھ کی ہڈی ثابت ہوتی ہے،بحیثیت منتظمین ہمارا یہ فرض ہے کہ یہ امدادی رقم حقدار لوگوں تک پہنچائیں۔ ابھی فوری طور پر ان کسانوں کو امداد دی جارہی ہے جنکی ٖفصلیں تیار ہونیوالی ہیں۔سیلاب سے متاثرہ کسان جنکی فصلیں با لکل تباہ ہو گئی تھیں،ان کسانوں کی بھی بہت جلد امداد فراہم کردی جائے گی۔ اس کے بعد ڈی سی او راجن پور نے محمد پور میں اسی حوالے سے منعقدہ ایک تقریب میں شرکت کی۔