ہم گورنمنٹ کے سرکاری اسکولوں کا رزلٹ بہتر بنا نے میں پرائیویٹ سکولوں کی نسبت کافی پیچھے جارہے ہیں ظہور حسین گجر

راجن پور(ڈسٹر کٹ رپو رٹر)میرے لیئے یہ لمحہ فکریہ ہے کہ ہم گورنمنٹ کے سرکاری اسکولوں کا رزلٹ بہتر بنا نے میں پرائیویٹ سکولوں کی نسبت کافی پیچھے جارہے ہیں۔اس وقت ہر فرد کی ترضیحات میں یہ شامل ہے کہ وہ اپنے بچوں کو پرائیویٹ سکولوں میں تعلیم حاصل کرائے جبکہ نوکری کی بات کریں تو ہو کوئی سرکاری نوکری حاصل کرنا چاہتا ہے ۔میرے خیال میں ہمیں اپنی خامیاں تلاش کرنا ہوں گی تاکہ سرکاری سکولوں کے رزلٹ کو پہلے سے بہتر کیا جاسکے۔ان باتوں کا اظہار ڈی سی او راجن پور چوہدری ظہور حسین گجر نے ڈی سی او آفس میں میٹرک اور ایف اے لیول کے کامیاب 21طالبعلموں کے درمیان فی کس 50000روپے کی ریشو سے بہبود فنڈز کی مدد سے سکالر شپ کے چیک تقسیم کرتے ہوئے کیا۔ڈی سی او تمام اسٹوڈنٹس کو مبارکباد دی اور خاص طور پر تعریف کی کہ چیک حاصل کرنیوالوں میں سیکیورٹی گارڈ، 2واٹر مین اور درجہ دوم کے بچوں کے بھی نام ہیں ۔