اجلاس میں مختلف مکاتب فکر کے علما کرام ، تاجران اور معززین نے بھی شرکت کی ۔ اجلاس کے دوران ایم این اے ڈاکٹر حفیظ الرحمن دریشک نے کہا کہ آئی ڈی پیز ہمارے بھائی ہیں ان کی امداد کرنا ہم پر لازم ہے اور جلد ضلع راجن پور سے امدادی سامان روانہ کریں گے

راجن پور (کرائم رپورٹر) آئی ڈی پیز کے سلسلے میں ایک اجلاس زیر صدار ت ایم این اے سردار ڈاکٹر حفیظ الرحمن دریشک اور ڈی سی او غازی امان اللہ نے کی ۔ اجلاس میں مختلف مکاتب فکر کے علما کرام ، تاجران اور معززین نے بھی شرکت کی ۔ اجلاس کے دوران ایم این اے ڈاکٹر حفیظ الرحمن دریشک نے کہا کہ آئی ڈی پیز ہمارے بھائی ہیں ان کی امداد کرنا ہم پر لازم ہے اور جلد ضلع راجن پور سے امدادی سامان روانہ کریں گے ۔ انہوں نے کہا کہ ہم بھی ان کے غم میں برابر کے شریک ہیں ۔ اس موقع پر ڈی سی او نے کہا کہ مخیر حضرات ان متاثرین بھائیوں کے لیئے بڑھ چڑ ھ کر حصہ لیں ۔انہوں نے کہا کہ جو متاثرین اس دوران جا ں بحق ہو چکے ہیں ان کے امداد ضلع راجن پور سے جلد روانہ کریں گے ۔ اور مقامی ایم این اے اور ایم پی ایز کے زیر نگرانی یہ سامان روانہ کیا جا ئے گا ۔ بعد ازاں ایم این اے ڈاکٹر حفیظ الرحمن دریشک نے ڈی سی او غازی امان اللہ کے ہمراہ رمضان بازار راجن پور کا دورہ کیا ۔ مختلف سٹالز اور نرخ نامے چیک کیئے ۔اور اشیاء خورد و نوش وافر مقدار میں موجود تھے۔ اچھا انتظام دیکھ کر تمام متعلقہ افسران او ر ضلعی انتظامیہ کی کاوشوں کو سراہا اور کہا کہ وزیر اعلیٰ پنجاب کی ہدایت کے مطابق عوام کو زیادہ سے زیادہ ریلیف فراہم کیا جا ئے اور مقرر کردہ نرخوں کے مطابق اشیا خورد و نوش فروخت کی جا ئیں ۔ #فوٹو ای میل ہیں