حکومت پنجاب کی ہدایت اور ڈی سی او کے حکم پر لیبر ڈیپارٹمنٹ رمضان بازاروں میں اوزان اور پیمانہ جات کی مسلسل چیکنگ اور مانیٹرنک کر رہا ہےمیاں جہانگیر

 راجن پور (کرائم رپورٹر) حکومت پنجاب کی ہدایت اور ڈی سی او کے حکم پر لیبر ڈیپارٹمنٹ رمضان بازاروں میں اوزان اور پیمانہ جات کی مسلسل چیکنگ اور مانیٹرنک کر رہا ہے ۔ اگر کسی دوکاندار کے اوزان کم پا ئے گئے تو ان کے خلاف فوری قانونی کاروائی کی جا ئے گی اور تمام متعلقہ ویٹس بھی ضبط کر لیئے جا ئیں گے ۔ ان خیالات کا اظہار لیبر انسپکٹر میاں جہانگیر نے آ ج رمضان بازار راجن پور اور روجہان میں اوزان کی چیکنگ اور پاسنگ کے دوران کیا اس دوران انہوں نے راجن پور میں اور روجہان میں کم اوزان کے پیمانے رکھنے پر متعدد دوکانداروں کے چالان کیئے ۔ انہوں نے کہا کہ جو لوگ کم وزن پر اشیا فروخت کر تے ہیں وہ بھی عوام پر مہنگائی کا ظلم ڈھانے میں برابر کے شریک ہیں ۔ انہوں نے تاجران سے کہا کہ وہ اپنے اوزان باقاعدگی سے ہر سال لیبر ڈیپارٹمنٹ کی لیبارٹری سی پا س کروائیں ۔ ورنہ ان کے خلاف کاروائی کی جا ئے گی