رمضان بازاروں میں عوام کو ریلیف دینے کیلئے کڑی نگرانی جاری ہےغازی امان اللہ

راجن پور (کرائم رپورٹر )رمضان بازاروں میں عوام کو ریلیف دینے کیلئے کڑی نگرانی جاری ہے۔ رمضان بازار میں اشیاء کے نرخ عام مارکیٹ کی نسبت کم ہیں۔تمام اشیائے خورد نوش رمضان بازاروں میں موجود ہیں۔ یہ باتیں ڈی سی او راجن پور غازی امان اللہ نے رمضان بازار کا دورہ کرتے ہوئے کہیں۔ اُنہوں نے تمام متعلقہ افسران کو ہدایت کی کہ صارفین کے اعتماد کو برقرار رکھنے کیلئے قیمتیں برابر ہونی چاہئیں۔ ڈی سی او نے رمضان بازار میں انتظامات کا بھی جائزہ لیا اور ڈیوٹی پر موجود ملازمین اور افسران کی حاضری چیک کی۔ دکانداروں کو ہدایت کی کہ جس طرح ماحول صاف سُتھرا ہے اِسی طرح کوالٹی بھی عمدہ ہونی چاہئیے۔ عوام کی خدمت کرنا ضلعی انتظامیہ کی اولین ترجیح ہے۔ بعد ازاں ڈی سی او نے رمضان بازار کے سلسلہ میں ایک جائزہ اجلاس کی صدارت کی۔ جس میں افسران کو ہدایت کی کہ اپنی اپنی ڈیوٹی محنت اور لگن کیساتھ سر انجام دیں