ڈی سی او راجن پور غازی امان اللہ نے سب انجینئر ٹی ایم اے جام پور مرزا تنویر کے خلاف دی گئی ایک درخواست کی انکوائری اسسٹنٹ کمشنر جام پور کو مکمل کر کے دو دن میں جواب جمع کروانے کا حکم دے دیا

راجن پور(کرائم رپورٹر)ڈی سی او راجن پور غازی امان اللہ نے سب انجینئر ٹی ایم اے جام پور مرزا تنویر کے خلاف دی گئی ایک درخواست کی انکوائری اسسٹنٹ کمشنر جام پور کو مکمل کر کے دو دن میں جواب جمع کروانے کا حکم دے دیا ۔ تفصیل کے مطابق جام پور کے شہری مجاہد لاشاری نے ڈی سی او راجن پور کو دی گئی درخواست میں موقف اختیار کیا ہے کہ سب انجینئر ٹی ایم اے جام پور نے کچھی کینال جام پور کے قریب سڑکات کے نوے لاکھ کے دو ٹھیکے اپنے دو ٹھیکدار دوستوں رانا تسلیم بلڈرز اور کامران بلڈرز کو دلوا دئے ہیں جنہوں نے ناقص میٹریل کا استعمال کرتے ہوئے سڑک کی تعمیر میں مٹی کی جگہ قریبی نہر سے بھل صفائی کے دوران نکالی گئی ناقص مٹی ڈالی گئی ہے اور سب بیس میں ناقص ریت کا استعمال کر کے حکومتی خزانے کو نوے لاکھ کا چونا لگانے کی کوشش کی گئی ہے ڈی سی او راجن پور نے اسسٹنٹ کمشنر رجام پور کو انکوائری مکمل کر کے جواب دو دن میں جمع کروانے کا حکم دیا ہے