آبادی پر قابو پانے کیلئے محکمہ بہبودِ آبادی کے فراہم کردہ طریقوں کو اپنائیںخواجہ محسن رسول

راجن پور (کرائم رپورٹر ) بڑھتی ہوئی آبادی کو کنٹرول نہ کیا گیا تو مسائل میں اضافہ ہو سکتا ہے۔ آبادی پر قابو پانے کیلئے محکمہ بہبودِ آبادی کے فراہم کردہ طریقوں کو اپنائیں۔ یہ باتیں ڈسٹرکٹ پاپولیشن ویلفیئر آفیسر خواجہ محسن رسول نے عالمی یومِ آبادی کے موقع پر ایک سیمینار سے خطاب کرتے ہوئے کہیں۔ اِس موقع پر ڈاکٹرصدیق احمد ، ڈاکٹر حمید ، مولانا قاری محمودالحسن قاسمی، ڈپٹی ڈسٹرکٹ پاپولیشن ویلفیئر آفیسر ارشاد فرید بھٹہ ، لیڈی ڈاکٹر بشریٰ یاسمین نے اِس سیمینار سے اپنے اپنے خیالات کا اظہار کرتے ہوئے کہا کہ بڑھتی ہوئی آباسی پر قابو نہ پایا یا تو بیشمار سماجی ، معاشی و معاشرتی مسائل جنم لیں گے۔ پاکستان اِس وقت کسی بھی بڑے مسئلہ کا متحمل نہیں ہو سکتا۔عوام آبادی کو کنٹرول کرنے کیلئے محکمہ بہبودِآبادی کی باتوں پر عمل کریں۔ اُنہوں نے کہا کہ ماں اور بچے کی صحت کیلئے وقفہ انتہائی ضروری ہے۔ بعد ازاں لوگوں کی آگاہی کیلئے محکمہ بہبودِ آبادی کی طرف سے ایک واک کھیلوں کابھی انعقادکیا گیا