31ایل ایچ ویز کی تعیناتی کے آرڈر تقسیم کے موقع پر کہاہے کہ آپ انسانیت کی خدمت اپنی پیشہ ورانہ قابلیت اور تہہ دل سے کریں

راجن پور (کرائم رپورٹر) ڈی سی او راجن پور غازی امان اللہ نے 31ایل ایچ ویز کی تعیناتی کے آرڈر تقسیم کے موقع پر کہاہے کہ آپ انسانیت کی خدمت اپنی پیشہ ورانہ قابلیت اور تہہ دل سے کریں ۔ انہوں نے کہا کہ آپ کی تعیناتی انصاف کے مطابق شفاف اور میرٹ پر کی گئی ہے اب آپ کو چاہیئے کہ آپ بھی اپنی صلاحیت کو عوام کے لئے وقف کریں جہاں جس کی آرڈر ہو ئے ہیں وہاں جا کر اپنی خدمات ادا کریں ۔ انہوں نے کہا کہ آپ اپنے سینئر ڈاکٹر کا احترام کریں اگر کو ئی مسئلہ درپیش ہو تو ای ڈی او صحت کے نوٹس میں لا ئیں ۔ اپنے آپ کو تنہا نہ سمجھیں ضلعی انتظامیہ آپ کے ساتھ ہے۔ یہ ناقابل تبادلہ سیٹیں ہیں جہاں آپ کے آرڈر ہوئے ہیں آپ نے وہاں اپنی خدمات سر انجام دینا ہے ۔ تعینات ہونے والی تمام ایل ایچ ویز کو انہوں نے مبارک باد اور اپنے ہا تھوں سے آرڈر تقسیم کیئے اس موقع پرای ڈی او صحت ڈاکٹر فیاض لغاری ،ڈپٹی دی ایچ او ڈاکٹر صدیق خان بھی موجود تھے۔ ای ڈی او صحت نے تمام ایل یچ ویز کوہدایت کی کہ اپنی جا ئے تعیناتی پر مریضوں کے ساتھ اچھے انداز میں پیش آئیں انہوں نے کہا کہ ڈی سی او راجن پور نے میرٹ پالیسی کے مطابق آرڈر جاری کیئے ہیں ۔ پورے پنجاب میں پہلے ضلع راجن پور میں تقسیم ہو ئے ہیں جس کا سہرا ڈ ی سی او راجن پور کو جاتا ہے