لاہور میں ڈاکٹر طاہر القادری کی رہائش گاہ اور منہاج القران سیکرٹیریت پر پولیس کے حملے اور تحریکی کارکنان کی شہادت پرجماعت فریدیہ نے تین روزہ سوگ کا اعلان

راجن پور(کرائم رپورٹر)لاہور میں ڈاکٹر طاہر القادری کی رہائش گاہ اور منہاج القران سیکرٹیریت پر پولیس کے حملے اور تحریکی کارکنان کی شہادت پرجماعت فریدیہ نے تین روزہ سوگ کا اعلان کرتے ہوئے کوٹ مٹھن میں مرکزی سیکرٹیریٹ پر سیاہ پرچم لہرا دیا۔جماعت فریدیہ کے سربراہ پاکستان تحریک انصاف کے رہنما پیر آف کوٹ مٹھن خواجہ شریف محمد عامر کوریجہ نے سانحہ لاہور کی مزمت کرتے ہوئے کہا کہ انقلاب کی باز گشت سن کر حکوت اوچھے ہتکنڈوں پر اتر آئی ہے پنجاب پولیس نے حکمرانوں کی خوشنودی کے لئے قانون توڑتے ہوئے بے گناہ افراد کی لاشیں گرا دی ہیں جس کا زمہ دار حکمران ٹولہ ہے ۔خواجہ شریف محمد عامر کوریجہ نے پاکستان اور دنیا بھر میں عقیدت مندوں اور خاندان فرید سے محبت رکھنے واے مریدوں کو پاکستان عوامی تحریک سے اظہار یکجہتی کے لئے تین روزہ سوگ مناتے ہوئے مصطفوی انقلاب کے لئے ڈاکٹر طاہر القادری کے ہاتھ مضبوط کرنے کی ہدیت کی ہے