فاضل پور کی نواحی بستی نظام آباد کے غریب محنت کش کے 4 بیٹے ہیمو فیلیا کے مرض میں مبتلاء محنت کش بچوں کا علاج کرانے سے قاصر

راجن پور (کرائم رپورٹر)فاضل پور کی نواحی بستی نظام آباد کے غریب محنت کش کے 4 بیٹے ہیمو فیلیا کے مرض میں مبتلاء محنت کش بچوں کا علاج کرانے سے قاصرتفصیل کے مطابق راجن پور کی نواحی بستی نظام آباد کا غریب محنت کش غلام یٰسین قوم گلوری محنت مزدوری کرکے اپنا اور بچوں کا پیٹ پالتا ہے غریب محنت کش کے گھرانے کو شاید کسی کی نظر لگ گئی کہ اُس کے ہاں پیدا ہونے والے بچے ہیمو فیلیا جیسی خطرناک بیماری کا شکار ہونے لگے محنت کش غلام یٰسین کے مُطابق اُس کے بچے نارمل پیدا ہوتے مگر ڈیڑھ سال کی عمر میں ہی بیماری کی علامات شروع ہوجاتی وہ بچوں کے علاج کی خاطر ڈی جی خان اور نشتر ہسپتال ملتان پہنچا مگر کوئی افاقہ نہ ہواجو جمع پونجی تھی وہ علاج پر خرچ ہو گئی چاروں بیٹے اللہ ڈتہ اسماعیل خلیل اور ابراہیم بیماری میں مبتلاء ہیں بڑا بیٹا اللہ ڈتہ عمر بارہ سال سکول جانے اور بیماری کے باعث چلنے سے قاصر ہے والدہ عالم بی بی کے مطابق بیماری کے شدت کے وقت اُس کے بچے چیختے رہتے ہیں اُس سے اپنے بچوں کی یہ حالت دیکھی نہیں جاتی والد غلام یٰسین کے مطابق ایک ٹیکے کی مالیت نوہزار روپے ہے جسے وہ اب خریدنے سے قاصر ہے گذشتہ سیلاب میں اُس کا گھر بھی تباہ ہو گیا گھر میں فاقوں تک نوبت جاپہنچی ہے محنت کش نے وزیراعلیٰ پنجاب میاں محمد شہباز شریف سے اپیل کی ہے کہ اس کے چاروں بیٹوں کا علاج سرکاری خرچ پر کراکر اس کی زندگی کی کل کمائی کو بچا کر اس پر احسانِ عظیم کیا جائے