تمام تروسائل کو بروئے کار لاتے ہوئے مجرمان اشتہاریوں کے گردگھیرا تنگ کر دیا ہےراجن پوزاہد محمود گوندل

راجن پور(کرائم رپورٹر)ڈسٹرکٹ پولیس آفس راجن پوزاہد محمود گوندل نے کہا کہ اپنے تمام تروسائل کو بروئے کار لاتے ہوئے مجرمان اشتہاریوں کے گردگھیرا تنگ کر دیا ہے۔ رواں سال 1225مجرمان اشتہاریوں کی گرفتاری عمل میں لائی جاچکی ہے۔ جبکہ رواں ماہ مجرمان اشتہاریوں کے خلاف خصوصی مہم چلاتے ہوئے قتل،ڈکیتی ، راہزنی جیسے سنگین جرائم میں ملوث 51مجرمان اشتہاریوں کو گرفتار کیا گیا ہے جبکہ دیگر جرائم میں ملوث 155مجرمان اشتہاریوں کی گرفتاری بھی عمل لائی گئی ہے۔ اچھی کارکردگی دکھانے والے پولیس آفیسران کوتعریفی سرٹیفکیٹ اور نقدا نعام سے نوازا جائے گا۔جبکہ غفلت برتنے والے آفیسران سے باز پرس کی جائے گی۔