ڈسٹرکٹ کمپلیکس راجن پور کے کمیٹی روم میں ڈسٹرکٹ کوآرڈینیش کمیٹی کے اجلاس سے صدارتسردار عاطف خان مزاری

راجن پور(کرائم رپورٹر ) رُکن صوبائی اسمبلی و صوبائی پارلیمانی سیکریٹری پنجاب سردار عاطف خان مزاری نے ڈسٹرکٹ کمپلیکس راجن پور کے کمیٹی روم میں ڈسٹرکٹ کوآرڈینیش کمیٹی کے اجلاس سے صدارت کرتے ہوئے کہا کہ ضلع راجن پور کی ترقی کیلئے تمام وسائل بروئے کار لائیں گے۔ وزیر اعلیٰ پنجاب میاں شہباز شریف نے ایک خصوصی پیکج کے ذریعے راجن پور کو ایک مثالی ضلع بنائیں گے۔ اِس موقع پر ڈی سی او غازی امان اللہ، ڈی پی او زاہد محمود گوندل، اے ڈی سی محمد امین اویسی، ڈی او سی محمد ارشد گوپانگ ، ڈی ایم او ، پولیٹیکل اسسٹنٹ صفی اللہ گوندل ، مقامی ایم پی ایز/ایم این ایز کے نمائندگان ، اسسٹنٹ کمشنرز ، ای ڈی اوز اور ضلعی افسران بھی موجود تھے۔ عاطف خا ن مزاری نے کہا ہے کہ ڈی سی او غازی امان اللہ اور اُن کی ٹیم ضلع کی پسماندگی کو ختم کرنے اور اُن کی ترقی کیلئے جو دِن رات کام کر رہے ہیں وہ قابل تحسین ہیں۔ اُمید ہے ضلعی انتظامیہ یہ ترقیاتی کام اپنی نگرانی میں جلد پایہ تکمیل تک پہنچائے گی۔اُنہوں نے کہا کہ وزیر اعلیٰ پنجاب میاں شہباز شریف سے ضلع کی مزید ترقی کیلئے فنڈ لے کر محرومیوں کو ختم کر دیں گے۔ اِس موقع پر ڈی سی او غازی امان اللہ نے بتایا کہ ہر ماہ ڈی سی سی کا اجلاس منعقد کیا جاتا اور مقامی ایم پی ایز/ایم این ایز کی مشاورت و تجاویز لیکر ترقیاتی کاموں کی رفتار کو مزید بڑھایا جاتا ہے۔ ڈی سی او نے بتایا کہ ضلع بھر میں بہت سی ترقیاتی سکیمیں مکمل ہو چکی ہیں باقی منصوبوں پر کام جاری ہے ۔ بہت جلد مکمل ہو جائیں گی۔ اُنہوں
نے بتایا کہ مسنگ فیسلٹیز پر کام تیزی سے جاری ہے ۔ جس میں سکولوں کی چار دیواری، بجلی، پانی، مرمت کافی حد تک مکمل ہو چکی ہیں۔ دوسرے منصوبے جن میں روڈ ، بلڈنگ ، پارکس، اور دیگر ترقیاتی کام بھی تیزی سے پایہ ء تکمیل کو پہنچنے والے ہیں ڈی سی او نے بتایا کہ جن علاقوں میں پینے کا پانی نہیں ہے یا کڑوا ہے اُن علاقوں علاقوں کے لوگوں کو ہینڈ پمپ لگا کر دے رہے ہیں ۔ اِس موقع پر ڈی پی او نے بتایاکہ لاء اینڈ آرڈر کی سچویشن کافی بہتر ہے۔ پولیس لائن ڈیپارٹمنٹس کیساتھ مکمل رابطہ میں ہے۔ پولیس انسداد بجلی و پانی چوری میں بھرپور کردار ادا کر رہی ہے۔ اور جرائم کی روک تھام کیلئے پولیس الرٹ ہے