محکمہ تعلیم اپنا ٹارگٹ سو فیصد مکمل کرے۔ اِس محکمہ میں موجود کالی بھیڑوں کو نوکری سے فارغ کر دیا جائیگاغازی امان اللہ

راجن پور (کرائم رپورٹر) ڈی سی او راجن پور غازی امان اللہ نے محکمہ تعلیم کی ماہانہ کارکردگی کے جائزہ اجلاس کی صدارت کرتے ہوئے کہا کہ محکمہ تعلیم اپنا ٹارگٹ سو فیصد مکمل کرے۔ اِس محکمہ میں موجود کالی بھیڑوں کو نوکری سے فارغ کر دیا جائیگااور اچھی کارکردگی دِکھانے والے افسران و ملازمین کو تعریفی اسناد اور انعامات دئیے جائیں گے۔ اُنہوں نے ای ڈی او تعلیم کو ہدایت کرتے ہوئے کہا کہ محکمے کے پروموشن کیسز کو فوری طور پر نمٹایا جائے اور محکمہ اپنی کارکردگی کو مزید بہتر بنائے۔ اِس موقع پرڈی او سی محمد ارشد گوپانگ، ڈی ایم او صفی اللہ گوندل ، ای ڈی او تعلیم عبدالغفار لنگاہ،سینئیر ہیڈ ماسٹر چوہدری نور احمد، ڈی او تعلیم زنانہ و مردانہ ، ڈپٹی ڈی او ز ،اے ای اوزاور دیگر افسران نے شرکت کی۔ ڈی ایم او نے بریفنگ دیتے ہوئے بتایا کہ سکولوں میں فرنیچر کی تقسیم شروع ہو چکی ہے اور بجلی کے میٹر بھی لگائے جا رہے ہیں۔اُنہوں نے اساتذہ اور طالب علموں کی حاضری کے بارے میں بھی آگاہ کیا اور محکمہ تعلیم کے کچھ مسائل کے بارے میں بھی آگاہ کیا گیا۔ ڈی سی او نے محکمہ تعلیم کے افسران کو ہدایت کی کہ اپنے سکولوں کے وزٹ جاری رکھیں کسی قسم کی کوئی کوتاہی برداشت نہیں کی جائیگی۔ڈی سی او نے اساتذہ کو بھی ہدایت کی کہ وہ اپنی حاضری کو یقینی بنائیں اورجو کام سونپا جائے وہ خوش اسلوبی کیساتھ سر انجام دیں