بے نظیر انکم سپورٹ سکیم کے تحت مالی امداد حاصل کرنے والی خواتین کا بینکوں کی اے ٹی ایم مشینوں کے باہر شدید رَش ،سخت گرمی میں بوڑھی خواتین پیسے کے حصول میں انتظار کے دَوران نیم بے ہوش

راجن پور (کرائم رپورٹر ) بے نظیر انکم سپورٹ سکیم کے تحت مالی امداد حاصل کرنے والی خواتین کا بینکوں کی اے ٹی ایم مشینوں کے باہر شدید رَش ،سخت گرمی میں بوڑھی خواتین پیسے کے حصول میں انتظار کے دَوران نیم بے ہوش ،کئی بینکوں ایم سی بی اور الفلاح ودیگرنے اے ٹی ایم مشینوں کو تالا لگا دیا امداد کے حصول کیلئے دُوردراز سے آنے والی خواتین کا احتجاج تفصیلات کے مُطابق پیپلز پارٹی کے دَور حکومت میں غریب خواتین کی ہر ماہ مالی امداد کیلئے بے نظیر انکم سپورٹ اسکیم کا اجراء کیا گیا جسمیں ڈاک خانوں کے مُلازمین کی جانب سے کرپشن کی شکایات کے باعث ان خواتین کو اے ٹی ایم کارڈز جاری کئے گئے مگر اَن پڑھ خواتین کی جانب سے اے ٹی ایم مشین آپریٹ نہ کرسکنے پر بینکوں نے اے ٹی ایم مشینوں کو ہی بند کردیا اب اکا دکا مشینوں پر خواتین کا شدید رَش صبح سات بجے سے ہی شروع ہوجاتا ہے جو رات گئے تک جاری رہتا ہے سخت گرمی میں یہ خواتین بغیر کسی سائے کے معصوم بچوں کے ہمراہ پیسوں کے انتظار میں قطار میں کھڑی رہتی ہے جبکہ بینک ملازمین کے رشتہ دار کھاتہ داروں اور بااثر افراد فوراً ہی من پسند خواتین کے کارڈز خود لے کر اے ٹی ایم سے کیش کرلیتے ہیں جس سے حقدار اور مستحق خواتین اپنا سامنہ لے کررہ جاتی ہیں عوامی وشہری حلقوں نے وزیراعظم پاکستان میاں محمد نواز شریف اور انچارج پروگرام مریم نواز شریف سے مُطالبہ کیا ہے کہ تمام شیڈولڈ بینکوں کو اے ٹی ایم مشینیں کھلی رکھنے اور اے ٹی ایم کے ساتھ ساتھ مینؤل طریقے سے ان خواتین کو ان کی امدادی رقوم فراہم کرکے ان سادہ لوح خواتین کی مُشکلات حل کی جائیں