دارلامان میں مقیم خواتین کی خوشیوں میں برابر کے شریک ہیں بیگم ڈی سی او

راجن پور ( کرائم رپورٹر) دارلامان میں مقیم خواتین کی خوشیوں میں برابر کے شریک ہیں ۔ یہ خواتین اور بچے ہمارے معاشرے کا اہم حصہ ہیں ۔ ان خیالات کا اظہار بیگم ڈی سی او راجن پور نے دارلامان میں مقیم خواتین اور بچوں میں عید گفٹس تقسیم کرنے کی تقریب سے خطاب کرتے ہو ئے کیا ۔ اس موقع پر سپرنٹنڈنٹ دارلامان صبا زہرا، منیجر صنعت زار شازیہ نوازاور ڈپٹی ڈسٹرکٹ افسر سوشل ویلفیئر تہمینہ دلشاد بھی موجود تھیں ۔ بیگم ڈی سی او نے کہا کہ عید کے موقع پر ان خواتین میں دوہزار روپے مالیت کے گفٹس پیکس تقسیم کیئے جا رہے ہیں جو کپڑے، مہندی ، گھی ، چاول،سویاں ، گری،گرم مصالحہ،بادام پر مشتمل ہیں ۔ ا س موقع پر سپرنٹنڈنٹ دارلامان صبا زہرا نے بتایا کہ اب تک آٹھ سو خواتین راجن پور دارلامان میں مقیم رہ چکی ہیں اور ان کو اس دوران مفت کھانا، طبی امداد،تعلیم،تفریح اور فری لیگل ایڈ فراہم کی جا تی ہے