ا ساتذہ اپنی پیشہ ورانہ صلا حیتوں کو آگے بڑھائیں ظہور حسین

راجن پور(ڈسٹر کٹ رپورٹر ) معیار تعلیم اور کوالٹی کو بہتر بنانے کے لئے اساتذہ اپنی پیشہ ورانہ صلا حیتوں کو آگے بڑھائیں ۔ سکولوں میں بچوں اور اساتذہ کی حاضری کو سو فیصد یقینی بنایا جائے۔ سکولوں کی بنیادی ضروریات جیسے منصوبوں کوجلد مکمل کیا جا ئے ۔ یہ باتیں ڈی سی او راجن پور ظہور حسین نے محکمہ تعلیم کی ماہانہ کاکردگی کے جا ئزہ اجلاس کی صدارت کرتے ہو ئے کہیں ۔ انہوں نے کہا کہ تعلیم کے زریعے ہی تبدیلی لا ئی جا سکتی ہے اور ضلع کی ترقی میں تعلیم کا عا م ہونا ضروری ہے ۔ ڈی سی او نے محکمہ تعلیم کے افسران کو ہدایت کی کہ وہ سکولوں کے وزٹ چھٹیوں کے بعد باقاعدگی سے کریں اور اپنی کارکردگی بہتر بنائیں ۔ اس موقع پر ڈی ایم او عبدالروف نے محکمہ تعلیم کی ماہانہ کار کردگی بارے بریفنگ دی ۔ اجلاس میں ای ڈی او تعلیم غفار لنگاہ ،ڈی او زنانہ مردانہ ،ڈپٹی ڈی ای او اور اے ای اوز نے شرکت کی۔