نشتر گھاٹ پل ہر سال15اپریل کو توڑ دیا جاتا ہے مگر امسال دریاؤں میں پانی نہ ہونے کی وجہ سے مقررہ سرکاری مدت سے ایک ماہ تاخیر کے بعد پل کو بند کیا گیا ہے

راجن پور(کرائم رپورٹر) نشتر گھاٹ پر عارضی کشتیوں کے پل کو مدت پوری ہونے پر توڑ کر موٹر بوٹس چلادی گئی ہیں دریا میں طغیانی کے باعث ٹوٹنے والی چار پلوں کی مرمت کرکے انہیں ٹریفک کیلئے چالو کر دیا گیا ہے ۔نشتر گھاٹ پل ہر سال15اپریل کو توڑ دیا جاتا ہے مگر امسال دریاؤں میں پانی نہ ہونے کی وجہ سے مقررہ سرکاری مدت سے ایک ماہ تاخیر کے بعد پل کو بند کیا گیا ہے ۔نشتر گھاٹ فیری سروس پر 5پل تعمیر کئے گئے تھے چند روز طغیانی کے باعث چار پل ٹوٹ گئے تھے جن کی مرمت کر دی گئی ہے جبکہ بڑے پل کو چھ ماہ کیلئے توڑ دیا گیا ہے اس جگہ سے اب مسافروں اور زائرین کو موٹر بوٹس کے ذریعے دریا عبور کرایا جا رہا ہے