حکومت پنجاب نے عام شہریوں کو بھرپور ریلیف فراہم کرنے کا عزم کررکھا ہےعاطف حسین مزاری

راجن پور (ڈسٹر کٹ رپورٹر) صوبائی پارلیما نی سیکرٹری غیر رسمی تعلیم سردار عاطف حسین مزاری کا شہر میں قائم رمضان بازار کادورہ ،ڈسٹر کٹ انتظامیہ کے اقدامات کی تعریف ،حکومت پنجاب نے عام شہریوں کو بھرپور ریلیف فراہم کرنے کا عزم کررکھا ہے وزیراعلیٰ پنجاب میاں محمد شہباز شریف خود پنجاب بھر کے رمضان بازاروں کی مانیٹر نگ کریں گے صحافیوں سے گفتگو کرتے ہوئے سردار عاطف حسین مزاری کا کہنا تھا کہ رمضان بازاروں میں گوشت سمیت سبزیاں اور دیگر اشیائے خورونوش کی سبسڈی پر فراہمی کے ساتھ ساتھ چینی کے اسٹالز بھی لگائے گئے ہیں جہاں پر عام ما رکیٹ سے فی کلو پانچ روپے سے پندرہ روپے کم پر اشیائے خوردونوش کی فراہمی یقینی بنائی جائیگی اس موقع پر ڈی سی او غازی امان اللہ ،اسسٹنٹ کمشنر چوہدری محمد مختار ،ایڈ منسٹر یٹر ٹی ایم اے سردار محمد ارشد خان گوپانگ ،ٹی ایم او چوہدری فرمائش علی سمیت ٹی ایم اے کا عملہ بھی موجود تھا ۔