ہلال احمر تحصیل جام پور میں صحت اور تعلیم پر کام کرنا چاہتی ہے ظہور حسین گجر

راجن پور(ڈسٹر کٹ رپورٹر ) ہلال احمر تحصیل جام پور میں صحت اور تعلیم پر کام کرنا چاہتی ہے۔اس سلسلے میں ضلعی انتظامیہ اپنا پورا تعاون کرے گی۔جام پور میں اجلاس کی صدارت کرتے ہوئے ڈی سی او ظہور حسین گجر نے کہا ہے کہ یہ ضلع ایک پسماندہ ہے یہاں پر ہر سال دو طرح کے سیلاب آتے ہیں ۔جس سے جانی و مالی نقصانات ہوتے ہیں ۔اس سیلاب سے نہ صرف انسانی آبادی بلکہ جانور اور فصلات بھی متاثر ہوتے ہیں۔ اس موقع پر پاکستان ہلال احمر کے برگیڈیئر (ر)عبدالہادی نے کہا ہے کہ جنوبی پنجاب میں ایک ارب روپے سیلاب متاثرین کے علاقوں میں عوام کی فلاح و بہبود(تعلیم و صحت) پر خرچ کرے گی۔