ہم نے مستقبل کے معماروں کے لئے پنجاب اسمبلی کے دروازے کھول دیے ہیںر شیر علی خاں گورچانی

راجن پور ( ڈسٹر کٹ رپورٹر ) قائمقام سپیکر پنجاب اسمبلی سردار شیر علی خاں گورچانی نے کہا ہے کہ پنجاب میں تعلیم کے فروغ کے لئے وزیراعلیٰ پنجاب محمد شہباز شریف کی جانب سے کئے گئے اقدامات سے ملنے والے اچھے نتائج کو پوری دنیا میں مانا گیا ہے ۔موجودہ دور میں شفاف تعلیمی نظام نے امیر اور غریب کا فرق ختم کر دیا ہے ۔اب و ہی بچہ اول پوزیشن حاصل کرے گا جو محنت کرئے گا۔ان خیالات کا اظہار انہوں نے پاک ترک سکول سے آئے 27رکنی طلبہء کے وفد سے پنجاب اسمبلی میں ملاقات کے دوران کیا ۔شیر علی خان گورچانی نے مزید کہا کہ ہم نے مستقبل کے معماروں کے لئے پنجاب اسمبلی کے دروازے کھول دیے ہیں تا کہ وہ یہاں ہونے والی قانون سازی دیکھ کر سیکھیں اور اپنے مفید مشورے دے سکیں۔ آج کا نوجوان پاکستان کا کل ہے اور اپنے کل کو سنوارنے کے لیے ہمیں ہر سطح پر نوجوان نسل کی رہنمائی کرنی ہو گی۔انہوں نے کہا کہ ہمارے قائدین پاکستان اور اس کی عوام کے ساتھ دلی لگاؤ رکھتے ہیں ، ہمارا یہ قوم سے وعدہ ہے کہ بحرانوں سے پاک اور ترقی یافتہ پاکستان کا تحفہ عوام کو دے کر دم لیں گے۔ انہوں نے کہا کہ ہم پاکستانی ہیں اور ہمیں پاکستان کی ترقی اور خوشحالی کے لیے ایک مثبت سوچ کے ساتھ آگے بڑھنا ہو گا۔وہی قومیں ترقی کرتی ہیں جو اپنے حق کے لیے لڑنا جانتی ہیں۔ ملک کو موجوہ بحرانوں سے نکالنے کے لئے یوتھ کو اپنا کردار ادا کرنا ہو گا تاکہ ہم پاکستان کو قائد اور علامہ اقبال کا پاکستان بنا سکیں۔ بعد اذاں وفد کو پنجاب اسمبلی کی تاریخی بلڈنگ کا دورہ بھی کروایا گیا۔