راجن پو ر محکمہ لیبر کم تنخواہ اور رجسٹر یشن نہ ہو نے پر 5 دکا ند ارو ں کے چا لا ن

راجن پور(ڈسٹر کٹ رپورٹر)کسی بھی شاپ،ہوٹلز،ورکشاپ پر کام کرنے والے ملازمین کی ماہانہ تنخواہ اگر 13ہزار روپے سے کم ہوئی ،ملازمین کی چھٹیوں اور حاضری کا ریکارڈ نہ پایا گیا تو شاپس ایکٹ 1969کے تحت سخت قانونی کاروائی عمل میں لائی جائے گی۔ان باتوں کا اظہار لیبر انسپکٹر میاں جہانگیرنے’’ شاپس کی رجسٹریشن برائے ملازمین‘‘ بارے منعقدہ ایک اجلاس کے دوران کیا۔انہوں نے کہا کہ جس دوکان یا ہوٹل پر ملازمین کام کرتے ہیں ان کو چاہئے کہ اپنی رجسٹریشن کرا لیں اور قانونی کاروائی سے بچیں۔انہوں نے رواں ماہ کی کارکردگی بتاتے ہوئے کہا کہ اس ماہ پانچ چالان کئے گئے ہیں جن میں تین رجسٹریشن نہ ہونے اور دو کم تنخواہ دینے کی صورت میں کئے گئے۔