ہم سب کو ٹیکس ادا کر کے قومی فریضہ پورا کرنا ہے ظہور حسین گجر

را جن پور( )ٹیکس قوم کی امانت ہیں اور صحت تعلیم اور دیگر شعبوں میں سہولیات کی فراہمی کا ضامن ہیں۔پنجاب حکومت لوگوں کے حقوق کے لئے اپنا اہم کردار ادا کر رہی ہے۔ہم سب کو ٹیکس ادا کر کے قومی فریضہ پورا کرنا ہے۔ا ن خیالات کا اظہار ڈی سی او ظہور حسین گجر نے ٹیکس ڈے کے حوالے سے منعقدہ اجلاس سے خطاب کرتے ہوئے کیا۔انہوں نے کہا کہ وز یر اعلیٰ پنجاب اس امانت کو شفافیت اور جدت کے ذریعے لوگوں کو مسائل کم کر کے وسائل میں بدل رہے ہیں۔انہوں نے کہا کہ ٹیکس کلچر کو فروغ دے کر عوام الناس کو بہتر سہولیات فراہم کی جائیں۔ڈی سی او نے مزید کہا کہ اس سلسلے میں پنجاب ریوینیو اتھارٹی اپنا کردار ادا کر رہی ہے۔ٹیکس وصول کرنے والے محکمے اپنے آپ کو فعال بنائیں اور بلا تفریق ٹیکس کی وصولی کو تیزی کے ساتھ یقینی بنائیں۔